هــــه‌واڵ عــیراق
رافده‌ين له‌باره‌ى نويسينگه‌يليگ قه‌رز و سلفه‌ ئه‌يه‌ن وشدارى دا

رافده‌ين له‌باره‌ى نويسينگه‌يليگ قه‌رز و سلفه‌ ئه‌يه‌ن وشدارى دا


شه‌فه‌ق نيوز/ باانك رافده‌ين وشدارى دا خانه‌نشينه‌يل ئه‌و كارمه‌نده‌يل ده‌وڵه‌ته‌ ك مووچه‌يليان جيگيره‌ له‌لاى هاوكارى وه‌ل بڕيگ نويسينگه‌ى ده‌روازه‌يل كارت زيره‌ك نه‌كه‌ن ك گوايا سلفه‌ى شه‌خسى ئه‌يه‌ن وه‌ ريككه‌فتن وه‌ل بانكه‌گه‌.

 

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕيگ نويسينگه‌ له‌ به‌غداو پاريزگايه‌يل هه‌ن دعايه‌ ئه‌را خوه‌يان ئه‌كه‌ن له‌ڕێ ماڵپه‌ڕه‌يل په‌يوه‌ندێ كۆمه‌ڵايه‌تى وه‌ داين سلفه‌ى كارمه‌نده‌يل و خانه‌نشينه‌يل و ئستغلال ناو بانكه‌گه‌ ئه‌كه‌ن له‌ وه‌ڕيخستن معامله‌ى سلفه‌و قه‌رز ك يه‌يش له‌ ده‌يشت سه‌ڵاحيه‌ت وه‌رانوه‌ر وه‌ بڕيگ پويل و هه‌ر وه‌و خاتريشه‌ بانك رافده‌ين رێ وشوون سه‌ختيگ ده‌رهه‌ق ئه‌و كه‌سه‌يله‌ ئه‌گرێده‌ وه‌ر و سڵا له‌ليان ئه‌كيشێده‌و.

 

جى باسه‌، به‌ياننامه‌گه‌ داوايش له‌ كارمه‌نده‌يل و خانه‌نشينه‌يل كرد هاوكارى وه‌ل ئه‌و لايه‌نه‌يله‌ نه‌كه‌ن و ئه‌گه‌ريش سلفه‌ وه‌رئه‌گرن بايه‌سه‌ له‌رێ لقه‌يل بانكه‌گه‌ بدێ له‌ گشت پاريزگايه‌يل و له‌ڕێ ئه‌لكترۆنيه‌و دواى وه‌رگرتنى بكريه‌ێد.