هــــه‌واڵ عــیراق
عه‌بادى: توركيا مكوڕه‌ له‌بان هه‌نارده‌ى نه‌فت كه‌ركوك و وازكردن ده‌روازه‌يگ

عه‌بادى: توركيا مكوڕه‌ له‌بان هه‌نارده‌ى نه‌فت كه‌ركوك و وازكردن ده‌روازه‌يگ


شه‌فه‌ق نيوز/ حه‌يده‌ر عه‌بادى سه‌رۆك ئه‌نجومه‌ن وه‌زيره‌يل، ئه‌وه‌ ده‌رخست ك توركيا گرنگى ئه‌ياده‌ دوباره‌ هه‌نارده‌كردن نه‌فت له‌ پاريزگاى كه‌ركوكه‌و له‌ڕێ خاكه‌يل وڵاته‌گه‌ى وه‌ل وازكردن ده‌روازه‌يگ راسه‌وخۆ له‌ناونى عراق و توركيا.

 

عه‌بادى له‌ كۆنگره‌ى رووژنامه‌گه‌رى هاوبه‌ش وه‌ل ره‌جه‌ب ته‌يب ئه‌ردوغان سه‌رۆك توركى وت: له‌ دوسيه‌ى ئه‌منى و كۆنترۆڵكردن مه‌رزه‌يل هه‌ڵويستمان ئاشكراس وه‌ ئه‌وه‌گ ئيمه‌ هه‌ر ده‌سدريژييگ له‌ناو خاكه‌يل عراقييه‌و ئه‌را بان توركيا يا هه‌ر ده‌وڵه‌تيگ تر هاوسا ره‌ته‌و ئه‌كه‌يم.

 

عه‌بادى هه‌ميش وت: توركيا مه‌يل كار وه‌به‌رهاوردنيش ديرێد له‌ عراق و يه‌يش داواكارى خوه‌ى بويه‌ ئه‌را وازكردن دو باڵيۆزخانه‌ له‌ هه‌ردوگ پاريزگاى به‌سره‌و نه‌ينه‌واو ئيمه‌يش خوه‌شاڵيم وه‌و داواكاريه‌ ك به‌شدار ئه‌دێ له‌ په‌ره‌داين وه‌ په‌يوه‌نديه‌يل سياسى و ئابوورى و كۆمه‌ڵايه‌تى و رووشنهويرى ناونى هه‌ردوگلا.