هه‌مه‌ڕه‌نگ
زه‌ره‌ده‌يل وه‌كارهاوردن ماكياژ له‌ ته‌مه‌ن كه‌م چه‌س؟

زه‌ره‌ده‌يل وه‌كارهاوردن ماكياژ له‌ ته‌مه‌ن كه‌م چه‌س؟


شه‌فه‌ق نيوز/ ئافره‌ته‌يليگ هه‌ن وه‌پيان خوه‌ش نيه‌ وه‌بى ماكياژ له‌ماڵ بچنه‌ ده‌يشت، ك وه‌قسه‌ى بڕيگيش وه‌كارهاوردن كه‌ره‌سه‌يل جوانكارى زه‌ره‌د فريه‌يگ ديرێد ئه‌را هه‌رزه‌كاره‌يل.

 

وه‌ گووره‌ى شيه‌وكردنيگ، ك له‌به‌رازيل ئه‌نجام درياگه‌، له‌ 40% خانمه‌يل تويشهاتنيان وه‌ نه‌خش پووس وه‌ بوونه‌ى وه‌كارهاوردن ماكياژه‌و بويه‌، يه‌يش له‌وه‌ختيگ ئيسه‌ هه‌رزه‌كاره‌يل زياتر ماكياژ وه‌كار ئه‌يه‌رن و ئه‌گه‌ره‌يل تويشبوين وه‌ نه‌خوه‌شيه‌يل پووش و زيتگه‌ له‌لى ئه‌كه‌فێده‌و ك يه‌يش شايه‌ت چه‌ن مانگ و چه‌ن ساڵيگيش بكيشێد ئه‌را خاسه‌وبوين.

 

شاره‌زايه‌يليش باس له‌وه‌ ئه‌كه‌ن ك وه‌كارهاوردن كه‌ره‌سه‌يل جوانكارى وه‌ ريژه‌ى فريه‌يگ كاريگه‌رى زه‌ره‌دبه‌خشيگ له‌بان پووس ديرێد، هه‌ر وه‌و خاتريشه‌ بايه‌سه‌ وه‌ ريژه‌يگ كه‌متر باريه‌ێده‌ كار و له‌شوون وه‌كارهاوردنيشى وه‌شيوه‌يگ خاس روخسار پاكه‌و بكريه‌ێد ئه‌را كه‌مه‌وكردن زه‌ره‌ده‌يلێ.