هــــه‌واڵ جیــهانى
بۆردومانيگ مووشه‌كى "ته‌لئه‌بيب" گرته‌ ئامانج

بۆردومانيگ مووشه‌كى "ته‌لئه‌بيب" گرته‌ ئامانج


شه‌فه‌ق نيوز/ سوپاى ئسرائيلى ئاشكراى ئه‌وه‌ كرد 7 ئسرائيلى زه‌خمدار بوينه‌ له‌ ئه‌نجام بۆردومانيگ مووشه‌كى ك له‌كه‌رت غه‌ززه‌وه‌ وه‌شياگه‌ وه‌ره‌و ناو خاكه‌يل ئسرائيلى.

 

له‌و باوه‌ته‌و، قسه‌كه‌ر وه‌ناو سوپاى ئسرائيلى وت: مووشه‌كيگ كه‌فته‌سه‌ بان ناوچه‌ى "هشارون" له‌ باكوور خوه‌رهه‌ڵات ته‌لئه‌بيب له‌ نزيك مه‌رزه‌يل وه‌ل ديم خوه‌رئاواو زه‌نگ ئاگاداركردنه‌وه‌يش كه‌فته‌سه‌ كار.

 

نه‌جمه‌ داوود ئه‌لحه‌مرا(خاچ قرمز ئسرائيلى)وت: زه‌ره‌ده‌يل فريه‌يگيش له‌ يه‌كيگ له‌ ماڵه‌يل كه‌فته‌سه‌وه‌و ئه‌ندامه‌يل ئه‌و ماڵيشه‌ زه‌خمدار بوينه‌و گشت مه‌ردم ئه‌و كه‌ڕه‌كيشه‌ له‌ ماڵه‌يليان ده‌رچينه‌.