هــــه‌واڵ عــیراق
سه‌ركرده‌ێ گه‌ورايگ داعش له‌ ته‌لعه‌فه‌ر كوشيا

سه‌ركرده‌ێ گه‌ورايگ داعش له‌ ته‌لعه‌فه‌ر كوشيا


شه‌فه‌ق نيوز/ سه‌رچه‌وه‌يگ ئاسايشى له‌ پاريزگاێ نه‌ينه‌وا، ئاشكراێ ئه‌وه‌ كرد ك هيزه‌يل جواودانه‌وه‌ێ گورج تويه‌نستنه‌ سه‌ركرده‌يگ له‌ ريكخرياگ ترۆريستى بكوشن ك وه‌ ره‌گه‌ز مسريه‌، ئه‌ويش له‌ سه‌عاته‌يل يه‌كه‌م ده‌سوه‌پيكردن په‌لاماره‌يل ئازادكردن ته‌لعه‌فه‌ر.

 

سه‌رچه‌وه‌گه‌ باس له‌وه‌ كرد ك جواودانه‌وه‌ێ گورج ك به‌شداره‌ له‌ جه‌نگ ئازادكردن ته‌لعه‌فه‌ر تويه‌نستگه‌ مه‌يمون ئه‌لمسرێ سه‌ركرده‌ له‌ ريكخرياگ ترۆريستى داعش بكوشيد ك وه‌رپرسه‌ له‌بان جموجويل داعش له‌ خه‌ت نوايين.

 

جىى باسه‌، سه‌رچه‌وه‌گه‌ هه‌ميش وت: هيزه‌يل دژه‌ ترۆريش تويه‌نستنه‌ شماره‌يگ له‌ چه‌كداره‌يل داعش بكوشن له‌ ده‌مه‌و شه‌وه‌كێ ئمڕوو له‌ وه‌ختيگ ده‌س كرياسه‌ په‌لاماره‌يل ئازادكردن ته‌لعه‌فه‌ر.