هــــه‌واڵ كــوردى
كۆمسيۆن دويا واده‌ى ته‌سليمكردن ناو كانديده‌يل ئه‌را هه‌ڵوژاردنه‌يل په‌رله‌مان كوردسان ديارێ كرد

كۆمسيۆن دويا واده‌ى ته‌سليمكردن ناو كانديده‌يل ئه‌را هه‌ڵوژاردنه‌يل په‌رله‌مان كوردسان ديارێ كرد


شه‌فه‌ق نيوز/ كۆمسيۆن باڵاى سه‌روه‌خوه‌ى هه‌ڵوژاردنه‌يل و راپرسى له‌ هه‌رێم كوردستان، ئاشكراى ئه‌وه‌ كرد رووژ چوارشه‌ممه‌ى ئاينده‌ 25/ 7/ 2018 دويا واده‌ى ته‌سليمكردن ناو كانديده‌يله‌ ئه‌را هه‌لوژاردنه‌يل په‌رله‌مان كوردستان.

 

له‌ى باوه‌ته‌و، شۆرش حه‌سه‌ن وه‌ڕيه‌وبه‌ر گشتى په‌پيوه‌نديه‌يل و راگه‌ياندن له‌ كۆمسيۆن باڵاى سه‌روه‌خوه‌ى هه‌ڵوژاردنه‌يل و راپرسى له‌ هه‌رێم كوردستان له‌ لێدوانيگ ته‌له‌فزيۆنى وت: كۆمسيۆن وه‌رده‌وامه‌ له‌ ئاماده‌كاريه‌يلى ئه‌را هه‌ڵوژاردنه‌يل په‌رله‌مان كوردستان و له‌ رووژ هه‌فت ته‌ممووزه‌و ده‌سكرده‌سه‌ ئاگاداركردن لايه‌نه‌يل به‌شدار له‌ هه‌ڵوژاردنه‌يل له‌وه‌ر ته‌سليمكردن ناو كانديده‌يل، وه‌لێ تائيسه‌ بڕێگ له‌ لايه‌نه‌يل ناوه‌يليان ته‌سليم نه‌كردنه‌.

 

حه‌سن هه‌ميش وت: رووژ 25 ئى مانگه‌ دويا واده‌ى ته‌سليمكردن ناو كانديده‌يله‌و ئه‌گه‌ر هه‌ر لايه‌نيگ ناوه‌يلێ پيشكه‌ش نه‌كا تا ئه‌و وه‌خته‌ ئه‌وه‌ دى هه‌ق به‌شدارى نه‌يرێد له‌ هه‌ڵوژاردنه‌يل په‌رله‌مان كوردستان ك بڕياره‌ له‌ 30 ئه‌يلوول ئاينده‌ ئه‌نجام بگرێد.