هــــه‌واڵ عــیراق
ماڵه‌گه‌ێ عه‌بادى كه‌يس وه‌رپرسه‌يل تر واز كرد له‌باره‌ى موڵكه‌يل ده‌وڵه‌ت

ماڵه‌گه‌ێ عه‌بادى كه‌يس وه‌رپرسه‌يل تر واز كرد له‌باره‌ى موڵكه‌يل ده‌وڵه‌ت


شه‌فه‌ق نيوز/ هۆشيار عه‌بدوڵڵا ئه‌ندام ليژنه‌ى دارايى له‌ ئه‌نجومه‌ن نوێنه‌ره‌يل عراقى، وت: ناوچه‌ى سه‌وز نه‌ك ته‌نيا رێ له‌وه‌رده‌م مه‌ردم واز ئه‌كا، به‌ڵكوو كه‌يس پڕ كه‌ناته‌كارييش له‌باره‌ى موڵكه‌يل وه‌كاربرياێ له‌لايه‌ن وه‌رپرسه‌يليشه‌و واز ئه‌كاو له‌ هه‌مان وه‌خت لايه‌نگرى ئى رينمايه‌يل هه‌ردوگ سه‌رۆك ده‌سڵاته‌يل ته‌شريعى و جيوه‌جيكاره‌ كرد ئه‌را وازكردن ئى كه‌يسه‌.

 

عه‌بدولڵا له‌ به‌ياننامه‌يگ وت: موڵكه‌يليگ هه‌ن له‌ناو ناوچه‌ى سه‌وز له‌وانه‌يش ماڵه‌يل گه‌ورايگ ك له‌لايه‌ن بڕێگ له‌ وه‌رپرسه‌يله‌و له‌ خوله‌يل وه‌رين و وه‌رپرسه‌يل ئيسه‌ وه‌ شيوه‌يگ بى وه‌رانوه‌ر ئستغلال كريانه‌و بڕێگيش كه‌فته‌سه‌ ده‌س مه‌ردمان حزبى له‌ساڵ 2005 وه‌بى به‌ڵگه‌يگ ياسايى يا ده‌ستوورى.

 

جى باسه‌، هه‌ر له‌ى باوه‌ته‌و، حه‌يده‌ر عه‌بادى سه‌رۆك وه‌رين وه‌زيره‌يل ئاشكراى ئه‌وه‌ كرد ك ماڵه‌گه‌ێ له‌ ناوچه‌ى سه‌وز ته‌سليم وه‌ ده‌وڵه‌ت كردگه‌، وه‌لێ باس له‌ مه‌سه‌له‌ى له‌وه‌رگرتن هويچ رێ وشوونيگ له‌و باوه‌ته‌و نه‌كرد.