هــــه‌واڵ كــوردى
په‌رله‌مان هه‌رێم كوردستان هه‌ڵويستى له‌ فراكسيۆن گه‌ورا ديارى كرد

په‌رله‌مان هه‌رێم كوردستان هه‌ڵويستى له‌ فراكسيۆن گه‌ورا ديارى كرد


شه‌فه‌ق نيوز/ تارق جه‌وهه‌ر راوێژكار په‌رله‌مان هه‌رێم كوردستان، وت: هه‌ردوگ حزبه‌يل سه‌ره‌كى پارت ديموكرات كوردستان و يه‌كێتى نيشتمانى كوردستان ڤيتۆ نه‌يرن له‌بان هه‌ر محوه‌ره‌يل ركابه‌ريگ ئه‌را دامه‌زرانن فراكسيۆن گه‌ورا له‌وه‌ر ئاماده‌كارى ئه‌را دامه‌زرانن حكومه‌ت ئاينده‌ى ناوه‌ندێ.

 

جه‌وهه‌ر له‌ لێدوانيگ ئه‌را شه‌فه‌ق نيوز وت: كورد هويچ لايه‌نگرييگ ئه‌را هويچ له‌ محوه‌ره‌يل نه‌يرن ك هه‌وڵ دامه‌زرانن حكومه‌ت ئه‌يه‌ن و ئاماژه‌ وه‌يه‌يش كرد ك گرنگ ئه‌وه‌ ئه‌وه‌سه‌ هه‌ڵه‌يل وه‌رين دوباره‌وه‌ نه‌كريه‌ێد.

 

جه‌وهه‌ر هه‌ميش وت: هێزه‌يل كورد وه‌تايبه‌ت هه‌ردوگ حزب سه‌ره‌كى مامڵه‌ وه‌ل هاوپه‌يمان گه‌ورا ئه‌كه‌ن ك هه‌ر جووره‌ شێوازێگ بدێ و هويچ ڤيتۆيگ نه‌يرن له‌بان فراكسيۆنه‌يل يا كه‌سايه‌تيه‌يل و باس له‌وه‌يش كرد كورد گفتگوو ئه‌كه‌ن وه‌گووره‌ى به‌رنامه‌يگ ئاشكرا ئه‌را تاوتوێكردن مافه‌يل ياسايى و ده‌ستوورى هه‌رێم كوردستان.