هــــه‌واڵ عــیراق
ئه‌نجومه‌ن كومسياره‌يل چه‌ن بڕياريگ له‌باره‌ى شماردن ده‌نگه‌يل ده‌ركرد

ئه‌نجومه‌ن كومسياره‌يل چه‌ن بڕياريگ له‌باره‌ى شماردن ده‌نگه‌يل ده‌ركرد


شه‌فه‌ق نيوز/ ئه‌نجومه‌ن كومسياره‌يل له‌ كومسيۆن باڵاى سه‌روه‌خوه‌ى هه‌ڵوژاردنه‌يل دانيشتنيگ سازكرد و له‌تى باس له‌چه‌ن مه‌سه‌له‌يگ كرد سه‌باره‌ت وه‌ شماردن و جياكردنه‌وه‌ى ده‌نگه‌يل وه‌ده‌س وه‌ گووره‌ى راسه‌وكردن سێيه‌م ئه‌را ياساى هه‌ڵوژاردنه‌يل په‌رله‌مانى.

 

له‌ى باوه‌ته‌و، دادگاى باڵاى ناوه‌ندى بڕياريگ له‌باره‌ى ده‌ستووريه‌ت دانيشتن ئه‌نجومه‌ن نوێنه‌ره‌يل ده‌ركرد ك سازى كرد له‌باره‌ى ئه‌نجاداين راسه‌وكردن سێيه‌م له‌بان ياساى هه‌ڵوارژاردنه‌يل ته‌شريعى و له‌ هه‌مان وه‌خت هه‌ڵوه‌شاننه‌وه‌ى ده‌نگه‌يل ده‌يشت و كووچبه‌ره‌يل و ده‌نگداين تايبه‌ت وه‌ هه‌رێم كوردستانيش ره‌ته‌و كرد.

 

ئه‌نجومه‌ن كومسياره‌يل له‌ به‌ياننامه‌يگ ك شه‌فه‌ق نيوز ئاگادارى بوێ، وت: له‌و دانيشتنه‌ چه‌ن بڕياريگ درياگه‌ ئه‌را ده‌سوه‌پيكردن پرۆسه‌ى شماردن و جياكردنه‌وه‌ى ده‌نگه‌يل وه‌ده‌س، له‌وانه‌يش:

- ئه‌نجامداين په‌يجوورى ئدارى له‌باره‌ى روێداگ سزيانه‌گه‌ى كۆگاى مقه‌يه‌تيكردن سه‌ندووقه‌يل ده‌نگداين.

- باسكردن وه‌ل وه‌ڕيه‌وبه‌ره‌يل نويسينگه‌ى هه‌ڵوژاردنه‌يل له‌ پاريزگايه‌يل له‌باره‌ى هه‌وه‌جه‌يل پروسه‌ى شماردن و جياكردنه‌وه‌ى ده‌نگه‌يل وه‌ده‌س.

- فه‌رمانداين وه‌گشت وه‌ڕيه‌وبه‌ره‌يل نويسينگه‌ى هه‌ڵوژاردنه‌يل له‌ پاريزگايه‌يل ئه‌را له‌وه‌رگرتن رێ شوون له‌بان شوونه‌يل ئه‌مباركردن سه‌ندووقه‌يل ده‌نگاين و ئامێره‌يل په‌يجوور ئه‌لكترۆنى( باركود )و ئامێره‌يل تر له‌ ماده‌يل ده‌سميه‌تده‌ر ئه‌را پروسه‌ى هه‌ڵوژاردن.

- رينماييداين وه‌گشت هووكاره‌يل ره‌سانن ئه‌را ئه‌وه‌گ وه‌ دقه‌ته‌و هه‌واڵ جيواز بكه‌ن له‌باره‌ى كار ئه‌نجومه‌ن كومسياره‌يل و له‌ سه‌رچه‌وه‌وه‌ وه‌ريبگرن.