هــــه‌واڵ كــوردى
كار ريكخرياگه‌يل ناحكومى كوردستان له‌ كه‌ركوك قه‌يه‌غه‌ كريا

كار ريكخرياگه‌يل ناحكومى كوردستان له‌ كه‌ركوك قه‌يه‌غه‌ كريا


شه‌فه‌ق نيوز/ سه‌رۆك ده‌زگاى ريكخرياگه‌يل ناحكومى له‌ هه‌رێم كوردستان، ئاشكراى كرد ك پاريزگاى كه‌ركوك فه‌رمانيگ ده‌ركردگه‌ ئه‌را لايه‌نه‌يل ئه‌منى له‌ شاره‌گه‌و له‌تى قه‌يه‌غه‌ى كار ريكخرياگه‌يل ناحكومى سه‌ر وه‌ هه‌رێم كردگه‌ له‌ پاريزگاگه‌.

 

ئه‌كره‌م جمۆ سه‌رۆك ده‌زگاى ناوبرياێ وت: بڕيار راكان سه‌عيد جبورى پاريزگار كه‌ركوك وه‌ وكاله‌ت بڕياريگ سياسى دژ مادده‌ى 140 و چه‌واشه‌ى ده‌ستووره‌ له‌وه‌ر ئه‌وه‌گ ئى ريكخرياگه‌يل مووڵه‌ت فه‌رمى كار ديرن و خوه‌يبه‌خشن ئه‌را كاره‌يل مه‌ده‌نى نه‌ك سياسى.

 

جى باسه‌، جمۆ له‌ لێدوانيگ ك ماڵپه‌ڕ پارت ديموكرات كوردستان باسى كرد وت: ئه‌را ماوه‌يگه‌ به‌غدا دژايه‌تى كورد ئه‌كاو تائيسه‌يش 400 ريكخرياگ مه‌ده‌نى له‌ كار قه‌يه‌غه‌ كردگه‌، له‌وه‌ختيگ ئى ريكخرياگه‌يله‌ گشت جووره‌ ده‌سميه‌تيگ ئه‌را هاووڵاتيه‌يل له‌ ناوچه‌يل داگيركرياێ كه‌ركوك و هامارى نه‌ينه‌وا پيشكه‌ش كردنه‌.