هــــه‌واڵ جیــهانى
ئيران شاره‌زايگ كۆمپيته‌ر بريتانى ده‌سوه‌سه‌ر كرد

ئيران شاره‌زايگ كۆمپيته‌ر بريتانى ده‌سوه‌سه‌ر كرد


شه‌فه‌ق نيوز/ ناوه‌ند مافه‌يل ئاده‌ميزاد له‌ ئيران ك باره‌گاى ها له‌نيويۆرك وت: پاسه‌وان شووڕش ئيرانى له‌ ناوڕاس مانگ نيسان مامۆستايگ زانكۆ ده‌سوه‌سه‌ر كردگه‌ ره‌گه‌زنامه‌ى بريتانى ديرێد.

 

وزاره‌ت خارجيه‌ى بريتانى ئه‌وه‌ ده‌رخست ك وه‌شيوه‌ى هه‌ڵه‌په‌ڵه‌يگ هه‌وڵ ده‌سكه‌فتن زانيارى ئه‌ياد له‌ ئيران سه‌باره‌ت وه‌ ده‌سوه‌سه‌ركردن عه‌باس عه‌داله‌ت ك ره‌گه‌زنامه‌ىى بريتانى و ئيرانى ديرێد و مامۆستاى زانستيه‌يل كۆمپيته‌ره‌ له‌ ئمبريال كۆليژ له‌ له‌نده‌ن.

 

له‌ى باوه‌تيشه‌و ناوه‌ند مافه‌يل ئاده‌ميزاد ك شه‌فه‌ق نيوز ئاگادارى بوى، وت: عه‌داله‌ت له‌ له‌ندنه‌و گه‌شت كردگه‌ ئه‌را ئيران له‌وه‌ر كار توێژينه‌وه‌و جهاز كۆمپيته‌ره‌گه‌ى و بريگ له‌ شريته‌يلى له‌لايه‌ن پاسه‌وان شووڕشه‌و زه‌فت كرياگه‌ له‌وه‌خت ده‌سه‌وه‌سه‌ركردنى و تائيسه‌يش ئازاد نه‌كرياگه‌.