هــــه‌واڵ عــیراق
سه‌رۆكايه‌تى كۆمار ريككه‌فتن مه‌عسوم وبارزانى له‌بان كلكردن شاند ئه‌را به‌غدا ده‌رخست

سه‌رۆكايه‌تى كۆمار ريككه‌فتن مه‌عسوم وبارزانى له‌بان كلكردن شاند ئه‌را به‌غدا ده‌رخست


شه‌فه‌ق نيوز/ سه‌رۆكايه‌تى كۆمار عراقى، ئه‌وه‌ ده‌رخست ك فوئاد مه‌عسوم سه‌رۆك كۆمار و مه‌سعود بارزانى سه‌رۆك هه‌رێم كوردستان ريككه‌فتنه‌ له‌بان كلكردن شانديگ پايه‌به‌رز كورد ئه‌را به‌غدا له‌ ماوه‌ێ دو رووژ ئاينده‌.

 

سه‌رۆكايه‌تى كۆمار له‌ به‌ياننامه‌يگ ئه‌را(شه‌فه‌ق نيوز)وت: مه‌عسوم دانيشتنيگ له‌ سلێمانى وه‌ل بارزانى ئه‌نجام داگه‌و هه‌ردوگلا باس له‌ هوير و ڕا و دويا روێداگه‌يل بار سياسى كردنه‌و له‌وانه‌يش مه‌سه‌له‌ێ راپرسێ هه‌رێم كوردستان.

 

به‌ياننامه‌گه‌ ئاماژه‌ وه‌ ئه‌وه‌ دا ك له‌و دانيشتنه‌ جه‌ختيش له‌بان خواست وه‌كارخستن هه‌وڵه‌يل و حكمه‌تيش كرياگه‌ ئه‌را گفتگوو بنياتنه‌ر له‌وه‌ر چاره‌سه‌ر كيشه‌يل و بريار كلكردن شانديگ پايه‌به‌رزيش درياگه‌ ئه‌را به‌غدا له‌ ماوه‌ێ دو رووژ ئاينده‌.