هــــه‌واڵ كــوردى
ميرانى له‌ ئه‌نقه‌ره‌: توركيا ده‌وڵه‌تيگ گرنگه‌ ئه‌را كوردستان

ميرانى له‌ ئه‌نقه‌ره‌: توركيا ده‌وڵه‌تيگ گرنگه‌ ئه‌را كوردستان


شه‌فه‌ق نيوز/ فازڵ ميرانى سكرتێر مه‌كته‌ب سياسى پارت ديموكرات كوردستان وه‌ سه‌رۆكايه‌تى مه‌سعود بارزانى، توركيا وه‌ ده‌وڵه‌تيگ گرنگ تاريف كرد وه‌ نسبه‌ت ئه‌را هه‌رێم كوردستان و يه‌يش ده‌رخست ك سه‌رۆك حكومه‌ت هه‌رێم وه‌ى نزيكه‌يله‌ وه‌ فه‌رمى سه‌ردان توركيا ئه‌كا.

 

ميرانى له‌ كۆنگره‌يگ رووژنامه‌گه‌رى له‌ ئه‌نقه‌ره‌ ك سه‌رۆكايه‌تى شاند حزبه‌گه‌ى ئه‌كا له‌ كۆنگره‌ى يه‌كه‌م حزب دادو گه‌شه‌وه‌پيداين دوياى رژيم تازه‌ له‌ توركيا، وت: توركيا ده‌وڵه‌تيگ گرنگه‌ وه‌نسبه‌ت ئه‌را كوردستان و خوه‌رهه‌ڵات ناوين وه‌گشتى.

 

ميرانى هه‌ميش وت: دوياى راپرسى په‌يوه‌نديه‌يل سياسى وسياو گرژه‌و بوێ له‌ناونى هه‌رێم كوردستان، وه‌لێ په‌يوه‌نديه‌يل ئابوورى وه‌رده‌وام بوێ و باڵوێزخانه‌ى گشتى له‌ هه‌رێم ڤيزا دياده‌ هاووڵاتيه‌يل كورد و ئيسه‌يش په‌يوه‌نديه‌يل سياسى جوور وه‌رجه‌ راپرسى دوباره‌ هاته‌و.

 

ميرانى هه‌ميش وت: سه‌ردانيگ سه‌رۆك وه‌زيره‌يل هه‌رێم كوردستان ئه‌را توركيا ئه‌نجام ئه‌گرێد و ئى سه‌ردانه‌ حزبى نيه‌، به‌ڵكوو فه‌رميه‌و له‌تى چه‌وێ ئه‌كه‌فێده‌ ره‌جه‌ب ته‌يب ئه‌ردوغان سه‌رۆك توركى.