هــــه‌واڵ عــیراق
ئه‌نجام نه‌گرتن ديدار له‌ناونى عه‌بدولمه‌هدى و وه‌رپرسه‌يل به‌سره‌ ئاشكرا كريا

ئه‌نجام نه‌گرتن ديدار له‌ناونى عه‌بدولمه‌هدى و وه‌رپرسه‌يل به‌سره‌ ئاشكرا كريا


شه‌فه‌ق نيوز/ سه‌رچه‌وه‌يگ ئاگادار باس له‌وه‌ كرد ك ئه‌نجام نه‌گرتن ديدار له‌ناونى عادل عه‌بدولمه‌هدى سه‌رۆك ئه‌نجومه‌ن وه‌زيره‌يل و وه‌رپرسه‌يل ناوچه‌ى له‌ پاريزگاى به‌سره‌ له‌وه‌خت سه‌ردانه‌گه‌ى ئه‌را ئه‌و پاريزگا له‌وه‌ر ئه‌وه‌ بويه‌ ك ناڕازێ بويه‌ له‌بان دوشمنه‌يليان.

 

له‌ى باوه‌ته‌و، رووژنامه‌ى شه‌رقولئه‌وسه‌ت له‌نده‌نى له‌ زووان ئه‌و سه‌رچه‌وه‌ وت: عه‌بدولمه‌هدى وه‌ ئه‌نقه‌ز شماره‌ى فريه‌يگ له‌ پاسه‌وانه‌يل وه‌ل خوه‌يا نه‌وردگه‌و فه‌رمان بڕين جاده‌يل نه‌ياگه‌ له‌ناو پاريزگاگه‌ له‌وه‌خت سه‌ردانه‌گه‌ى و شماره‌ى فريه‌يگيش له‌ سه‌ياره‌يل مسه‌فه‌ح وه‌ليا نه‌ويه‌.

 

سه‌رچه‌وه‌گه‌ باس له‌وه‌يش كردگه‌ ك ئه‌سعه‌د عيدانى پاريزگار به‌سره‌ و سه‌رۆك ئه‌نجومه‌نه‌گه‌يش له‌ به‌سره‌ نه‌وينه‌و دياره‌ سه‌رۆك وه‌زيره‌يل رازى نه‌ويه‌ له‌ پاريزگاو ئه‌نجومه‌نه‌گه‌ێ وه‌بوونه‌ى ئه‌و كيشمه‌كيشه‌يله‌ ك له‌ناونى هه‌ردوگلا وجوود ديرێد و له‌وه‌ر خراوى ئداره‌كردنيان له‌باره‌ى دوسيه‌يل خزمه‌تگوزارى و ته‌ندروستى و خزمه‌تگوزاريه‌يل تر.