هــــه‌واڵ كــوردى
وێنه‌.. سزاداين دو پێشمه‌رگه‌ وه‌ده‌س هيزه‌يل عراقى له‌ باشوور كه‌ركوك

وێنه‌.. سزاداين دو پێشمه‌رگه‌ وه‌ده‌س هيزه‌يل عراقى له‌ باشوور كه‌ركوك


شه‌فه‌ق نيوز/ دو كه‌س له‌ هێزه‌يل پێشمه‌رگه‌ تويش سزاداين و ده‌سدريژى و خراوداين هاتن وه‌ده‌س هيزه‌يل ئه‌منى عراقى له‌ يه‌كيگ له‌ خاڵه‌يل وشكانن له‌ قه‌زاى خورماتوو له‌ باشوور پاريزگاى كه‌ركوك.

 

ئه‌و هه‌ردوگ پێشمه‌رگه‌ سه‌ر وه‌ هيزه‌يل ئسناد دويه‌م له‌ هيزه‌يل پێشمه‌رگه‌ن وه‌ناوه‌يل (م، ى، ح) ك ساڵ 1981 هاته‌سه‌ دونياو ئه‌واكه‌يش وه‌ناو(ف، ص، ق)، ك ساڵ 1990 هاته‌سه‌ دونياو هه‌ردوگيان دويه‌شه‌و وه‌ده‌س هيزه‌يل ئه‌منى عراقى له‌ جواودانه‌وه‌ى گورج تويش سزاو ئازارداين فريه‌يگ هاتنه‌.

 

جى باسه‌، شيواز ئى روێداگيشه‌ له‌يوا بويه‌ ك ئه‌و هه‌ردوگ پێشمه‌رگه‌ هه‌ناى ره‌سينه‌سه‌ خاڵيگ وشكانن ئه‌منى داواى ناسنامه‌ له‌ليان كرياگه‌و ئه‌وانيش ناسنامه‌گه‌يان نيشان دانه‌و ده‌ركه‌فتگه‌ سه‌ر وه‌ هيزه‌يل پێشمه‌رگه‌ بوينه‌ ئاڵاى كوردستان وه‌ ناسنامه‌گه‌يانه‌و بويه‌و هيزه‌يل ئه‌منييش خوسه‌يان له‌و ئاڵا هاتگه‌و ده‌س كردنه‌سه‌ قسه‌كردن و له‌ئاكام ئه‌وه‌يش ده‌مه‌قاڵ كه‌فته‌سه‌وه‌و هيزه‌يل ئه‌منى ده‌سكردنه‌سه‌ قسه‌و خراوداين و دوياخريش وه‌ دڕنده‌ترين شيوه‌ سزاى ئه‌و هه‌رده‌گ پێشمه‌رگه‌ دانه‌و له‌شيان زخمدار كردنه‌.