هــــه‌واڵ عــیراق
سه‌رچه‌وه‌يليگ: ئه‌گه‌ره‌يل فريه‌يگ هه‌س به‌غدادى له‌ مه‌رزه‌يل سوورى - عراقى بدێ

سه‌رچه‌وه‌يليگ: ئه‌گه‌ره‌يل فريه‌يگ هه‌س به‌غدادى له‌ مه‌رزه‌يل سوورى - عراقى بدێ


شه‌فه‌ق نيوز/ جوور شاردنه‌وه‌ى زانياريه‌يل له‌ وه‌رپرسه‌يل كورد و هاوپه‌يمانه‌يليان له‌ سوريا ك تايبه‌ته‌ وه‌ شانه‌ى بيتلز ك ناسرياگه‌ وه‌ سه‌ربڕين بارمه‌ته‌يل بيگانه‌ ك هيزه‌يل ديموكرات سوريا دو كه‌س له‌ليان ده‌سگير كرد له‌ سه‌ره‌تاى ئمساڵ، ئه‌و وه‌رپرسه‌يله‌ له‌نوو رێ نايه‌ن چاره‌نويس ئه‌بو به‌كر به‌غدادێ سه‌ركرده‌ى ريكخرياگ داعش ئاشكرا بكريه‌ێد.

 

له‌ هه‌وڵيگ ئه‌را زانستن ده‌نگدوو زيايه‌ له‌باره‌ى بڵاوكرياگيگ له‌ رووژنامه‌يل بريتانى له‌باره‌ى ئه‌وه‌گ هيزه‌يل ديموكرات سوريا شوون وجوود به‌غدادى زانن و چه‌وديرێى ئه‌كه‌ن، وه‌رپرسيگ باڵاى كورد وت: ئه‌وه‌گ بڵاو كرياگه‌ ته‌نيا زانيارييگ هه‌واڵگيريه‌ ك يه‌كيگ له‌ رووژنامه‌نويسه‌يل باسى ئه‌رايان كردگه‌ وه‌بى ئه‌وه‌گ دقه‌ت له‌ هه‌واڵه‌گه‌ بكا.

 

له‌لاى خويه‌و  كينۆ كبرائيل قسه‌كه‌ر فه‌رمى وه‌ناو هيزه‌يل ديموكرات سوريا، ئيچنه‌ لێدوانه‌يليگ رووژنامه‌گه‌رێ له‌ى باوه‌ته‌و، ره‌ته‌و كرد، وه‌لێ سه‌رچه‌وه‌يليگ تر سه‌ربازێ ئاماژه‌ وه‌ ئه‌وه‌ كردن ك ئه‌گه‌ره‌يل فريه‌يگ هه‌س به‌غدادى له‌ شاروچكه‌ى هه‌جين سوورى بدێ له‌ نزيك شار دێره‌زۆر له‌بان مه‌رز وه‌ل عراق.