هــــه‌واڵ عــیراق
هاوپه‌يمانى عه‌بادى ئومێدى ئه‌را ولايه‌ت دويه‌م نه‌مه‌ندگه‌

  هاوپه‌يمانى عه‌بادى ئومێدى ئه‌را ولايه‌ت دويه‌م نه‌مه‌ندگه‌


شه‌فه‌ق نيوز/ حه‌يده‌ر فوئادى ئه‌ندام هاوپه‌يمانى نه‌سر و سه‌رۆك فراكسيۆن عه‌تا، ئاماژه‌ وه‌ نه‌وين توانا كرد ك حه‌يده‌ر عه‌بادى سه‌رۆك ئيسه‌ى وه‌زيره‌يل بتويه‌نێد ولايه‌ت دويه‌م ئه‌را سه‌رۆكايه‌تى ئاينده‌ى حكومه‌ت ناوه‌ندى وه‌ده‌س بارێد.

 

فوئادى له‌ به‌ياننامه‌يگ ك شه‌فه‌ق نيوز ئاگادارێ بوێ، داوا له‌ گشت هيزه‌يل سياسى كرد گفتگوو جددى و راسكانى بكه‌ن ئه‌را داناين به‌رنامه‌يگ خاس حكومى ك بگونجيه‌يل وه‌ل قه‌واره‌ێ ئه‌و كيشه‌يله‌ ك هاته‌سه‌ تويش عراق.

 

فوئادى هه‌ميش وت: هه‌ڵوژانن سه‌رۆك حكومه‌ت بايه‌سه‌ وه‌گووره‌ى پێوه‌ره‌يل هيز و توانايى بدێ له‌وه‌ر ئه‌وه‌گ داوه‌زێده‌ مه‌يدان و كاريگه‌رى گه‌ورايگ داشتوود له‌ سه‌رخستن به‌رنامه‌، ئه‌ويش له‌ ئاماژه‌يگ ئاشكرا ئه‌را كانديد نه‌كردن عه‌بادى ئه‌را سه‌رۆكايه‌تى حكومه‌ت ئاينده‌.