هــــه‌واڵ كــوردى
كوردستان كيشه‌يگ له‌ مووچه‌ى پێشمه‌رگه‌ ديرێد و ئه‌وه‌گ به‌غدا داره‌ى به‌س ناكا

كوردستان كيشه‌يگ له‌ مووچه‌ى پێشمه‌رگه‌ ديرێد و ئه‌وه‌گ به‌غدا داره‌ى به‌س ناكا


شه‌فه‌ق نيوز/ فه‌ريق روكن جه‌بار ياوه‌ر ئه‌ميندار گشتى وزاره‌ت پێشمه‌رگه‌، وت: ئه‌و پويله‌ ك حكومه‌ت ناوه‌ندى ته‌رخانى كرد له‌چوارچێوه‌ى بودجه‌ى ئمساڵ به‌س نيه‌ ئه‌را داين مووچه‌ى نيمه‌ى هيزه‌يل پێشمه‌رگه‌.

 

ياوه‌ر له‌ لێدوانيگ ئه‌را ئێزگه‌ى ده‌نگ ئه‌مريكا - به‌ش زووان كوردى، وت: بڕ 68 مليار دينار ته‌رخان كرياگه‌و ئى پويليشه‌ به‌س نيه‌ ئه‌را داين مووچه‌ى نيمه‌ى پێشمه‌رگه‌ وه‌گووره‌ى ئه‌و سيسته‌مه‌ ك مووچه‌ له‌بانى دابه‌ش ئه‌كريه‌ێد له‌ هه‌رێم كوردستان.

 

جى باسه‌، ياوه‌ر هه‌ميش وت: ئه‌را داين مووچه‌ وه‌ گووره‌ى سيسته‌م هه‌رێم كوردستان بايه‌سه‌ بڕ 140 مليار دينار دابين بدێ و ئه‌گه‌ريش بخوازيم مووچه‌ى هيزه‌يل پێشمه‌رگه‌ بيه‌ێم وه‌ گووره‌ى سيسته‌مه‌گه‌ى وه‌رگرى عراقى ئه‌وه‌ بايه‌سه‌ نزيكه‌ى 280 مليار دينار ته‌رخان بكرياتاد.