هــــه‌واڵ عــیراق
حكومه‌ت عراقى: ئاواره‌يل له‌ هه‌رێم كورستان گله‌وخواردن ئه‌را ناوچه‌يليان ره‌ته‌و ئه‌كه‌ن

حكومه‌ت عراقى: ئاواره‌يل له‌ هه‌رێم كورستان گله‌وخواردن ئه‌را ناوچه‌يليان ره‌ته‌و ئه‌كه‌ن


شه‌فه‌ق نيوز/ جاسم محه‌مه‌د جاف وه‌زير كووچ و كووچبه‌ره‌يل، ئاشكراى ئه‌وه‌ كرد ك ئاواره‌يل له‌ هه‌رێم كوردستان مه‌سه‌له‌ى گله‌وخواردن ئه‌را ناوچه‌يل خوه‌يان ره‌ته‌و ئه‌كه‌ن و يه‌يش ده‌رخست ك ده‌ستوور عراقى رێ وه‌ ئه‌وه‌ نايه‌ێد هه‌ر ئاواره‌يگ وه‌ زووره‌ملى كله‌و بكريه‌ێد.

 

جاف له‌ كۆنگره‌يگ رووژنامه‌گه‌رى له‌ سلێمانى وت: تائيسه‌ 60% له‌ ئاواره‌يل گله‌وخواردنه‌ ئه‌را ناوچه‌يليان، وه‌لێ هيمان تائيسه‌ نزيكه‌ى دو مليۆن ئاواره‌ى تر مه‌ندنه‌و زوورميان خه‌ڵك پاريزگاى نه‌ينه‌وان و يه‌يش كيشه‌ى گه‌ورايگه‌ وه‌ نسبه‌ت ئه‌را حكومه‌ت عراقى.

 

جى باسه‌، جاف هه‌ميش وت: بڕيگ له‌ ئاواره‌يل ئيسه‌ ئاماده‌ نين گله‌و بخوه‌ن ئه‌را ناوچه‌يليان و هيمان ئاست خزمه‌تگوزاريه‌يل خاس نيه‌و بڕيگيش له‌ليان له‌ هه‌رێم كوردستان تويه‌نستنه‌ گوزران خوه‌يان دابين بكه‌ن و گله‌و ناخوه‌ن ئه‌را ناوچه‌ه‌يليان.