هــــه‌واڵ كــوردى
شاند كورد وه‌ل به‌غدا دوسيه‌ى ته‌ياره‌خانه‌يل و ده‌روازه‌يل تاوتوێ ئه‌كه‌ن

شاند كورد وه‌ل به‌غدا دوسيه‌ى ته‌ياره‌خانه‌يل و ده‌روازه‌يل تاوتوێ ئه‌كه‌ن


شه‌فه‌ق نيوز/ شانديگ له‌ پاريزگاى سلێمانى، وه‌ل ده‌سه‌ى ده‌روازه‌يل مه‌رزى له‌ به‌غداى پايته‌خت باس له‌ مه‌سه‌له‌ى په‌يوه‌نديدار وه‌ ده‌روازه‌يل و ته‌ياره‌خانه‌يل ئه‌كه‌ن له‌ هه‌رێم كوردستان.

 

محه‌مه‌د شوێلى قسه‌كه‌ر وه‌ناو ده‌سه‌ێ ده‌روازه‌يل مه‌رزى له‌ به‌ياننامه‌يگ ك شه‌فه‌ق نيوز ئاگادارى بوى، وت: شانديگ له‌ هه‌رێم كوردستان وه‌ سه‌رۆكايه‌تى هه‌ڤاڵ ئه‌بوبه‌كر پاريزگار سلێمانى سه‌ردان ده‌سه‌ى ده‌روازه‌يل كردنه‌ له‌ به‌غدا.

 

به‌ياننامه‌گه‌ يه‌يش ده‌رخست ك له‌لايه‌ن كازم ئه‌لعقابى سه‌رۆك ده‌سه‌ى ناوبرياێ پيشوازى له‌و شانده‌ كرياگه‌و هه‌ردوگلا باس له‌ ئاماده‌گى هه‌رێم كوردستان كردنه‌ ئه‌را هاوكارى وه‌ل حكومه‌ت به‌غدا له‌باره‌ى ته‌سليمكردن دوسيه‌ى هه‌ردوگ ته‌ياره‌خانه‌ى هه‌ولێر و سلێمانى و ده‌روازه‌يل له‌ هه‌رێم.