هــــه‌واڵ كــوردى
به‌غدا پڕچه‌ككردن پێشمه‌رگه‌ قه‌بول كرد

به‌غدا پڕچه‌ككردن پێشمه‌رگه‌ قه‌بول كرد


شه‌فه‌ق نيوز/ جيگر سه‌رۆك ده‌سه‌ى ئه‌ركان ئه‌را ئۆپه‌راسيۆنه‌يل له‌ وه‌زاره‌ت پێشمه‌رگه‌ باس له‌ ره‌زامه‌نى حه‌يده‌ر عه‌بادى سه‌رۆك ئه‌نجومه‌ن وه‌زيره‌يل كرد ئه‌را پڕچه‌ككردن پێشمه‌رگه‌ له‌ هاوكاريه‌يل ئه‌مريكى ئه‌را عراق.

 

له‌ى باوه‌ته‌و، هووكاره‌يل ره‌سانن كوردى له‌ زووان قارمان شێخ كه‌مال وتن: له‌ چوارچێوه‌ى ئه‌و قه‌رز ئه‌مريكا ك ئه‌ياده‌ عراق، هه‌ردوگ ليواى 3 و 4 پێشمه‌رگه‌ پڕچه‌ك ئه‌كريه‌ن، وه‌لێ وه‌بوونه‌ى ڕێگرى حكومه‌ت عراقه‌و ئه‌و هاوكاريه‌يله‌ گير درياوێد.

 

شێخ كه‌مال هه‌ميش وت: ئيسه‌يش عه‌بادى ره‌زامه‌نى ده‌رخستگه‌ جوور قوناغ يه‌كه‌م ئه‌و هاوكاريه‌يل ئه‌مريكا بدريه‌ێده‌ دو ليواگه‌ى پێشمه‌رگه‌، وه‌لێ له‌باره‌ى داين چه‌ك سووك و قورس وه‌و هه‌ردوگ ليوا هيمان ره‌زامه‌نى حكومه‌ت عراق وه‌رنه‌گيرياگه‌.