هــــه‌واڵ جیــهانى
"ئينجى"فره‌نسى چالاكيه‌يلێ له‌ ئيران وسنێد

 "ئينجى"فره‌نسى چالاكيه‌يلێ له‌ ئيران وسنێد


شه‌فه‌ق نيوز/ كومپانياى وزه‌ى فره‌نسى "ئينجى"، ئاشكراى ئه‌وه‌ كرد ك چالاكيه‌يل ئه‌ندازياريى له‌ ئيران وسنێد وه‌ل هاتن مانگ ته‌شرين دويه‌م ئاينده‌، ئه‌ويش له‌وه‌ر خوه‌ى دويرگرتن له‌ سزايه‌يل ئه‌مريكى له‌بان كومپانيايه‌يل كاركه‌ر له‌ ئيران.

 

له‌ى باوه‌ته‌و، ئيزابيل كوشير وه‌ڕيه‌وبه‌ر گشتى كومپانياگه‌ وت: "ئينجى"فره‌نسى ژيرخان ئابوورى له‌ ئيران نه‌يرێد و چالاكييگ نه‌يرێد هه‌وه‌جه‌ى وه‌به‌رهاوردن داشتوود.

 

كوشير هه‌ميش وت: تيه‌يل ئه‌ندازيارى ديريم ك كار له‌وه‌ر به‌رژه‌وه‌ندى زبوونه‌يل ئه‌كه‌ن له‌و وڵاته‌ و ته‌نيا 180 رووژ ديريم ئه‌را كووتاييهاوردن وه‌ ريككه‌فتنه‌يل و بايه‌سه‌ جيوه‌جى بكريه‌ێد.