شه‌فه‌ق نيوز/ شماره‌يگ له‌ كانديده‌يل هاوپه‌يمانى ئه‌را ديموكراتى و دادپه‌روه‌رى، بڕيار به‌شداريكردن هه‌ڵوژاردنه‌يل په‌رله‌مانى دان له‌ هه‌رێم كوردستان ك بڕياره‌ له‌ كووتايى ئى مانگه‌ ئه‌نجام بگرێد.

له‌ى باوه‌ته‌و، به‌رهه‌م ساڵح ئه‌ميندار گشتى وه‌رين هاوپه‌يمانيه‌گه‌ ك گله‌وخوارد ئه‌را ناو يه‌كێتى نيشتمانى كوردستان، ئاشكراى ئه‌وه‌ كرد ك هاوپه‌يمانى ئه‌را ديموكراتى و دادپه‌روه‌رى به‌شدارى له‌ هه‌ڵوژاردنه‌يل كوردستان ناكا، وه‌لێ له‌ به‌ياننامه‌يگ 12 كانديد ئمزاى كردنه‌و وتنه‌: ئيمه‌ى كانديده‌يل هاوپه‌يمانيه‌گه‌ له‌بان ليست 172 كۆمسيۆنن باڵاى سه‌روه‌خوه‌ى هه‌ڵوژاردنه‌يل و راپرسى هه‌ر يه‌كيگ له‌ليمان شماره‌ى ئنتخابى خوه‌ى وه‌رگرتگه‌و له‌ڕوێ ياسايى و سياسييه‌و ئيمه‌ كانديد ئه‌و هاوپه‌يمانييه‌مه‌ ك سه‌رۆكايه‌تيه‌گه‌ بڕيار دا ليسته‌گه‌ به‌شدارى هه‌ڵوژاردنه‌يل په‌رله‌مانى نه‌كا له‌ هه‌رێم كوردستان.

جى باسه‌، ئيسه‌يش كانديده‌يل بڕيار دانه‌ به‌شداريش بانگه‌شه‌ى ئيسه‌يش بكه‌ن و به‌شدار بوون له‌ هه‌ڵوژاردنه‌يل په‌رله‌مانى.