هــــه‌واڵ كــوردى
وه‌زيريگ: ئه‌ركه‌ به‌غدا به‌خشينه‌ى 15 هه‌زار له‌ى چينه‌ له‌ هه‌رێم كوردستان دابين بكا

وه‌زيريگ: ئه‌ركه‌ به‌غدا به‌خشينه‌ى 15 هه‌زار له‌ى چينه‌ له‌ هه‌رێم كوردستان دابين بكا


شه‌فه‌ق نيوز/ مه‌حمود حاجى ساڵح وه‌زير شه‌هيده‌يل و ئه‌نفالكرياگه‌يل له‌ حكومه‌ت هه‌رێم كوردستان، جه‌خت له‌وه‌ كرد ك ده‌ستوور هه‌ميشه‌يى حكومه‌ت ناوه‌ندى له‌ به‌غدا پابه‌ند ئه‌كا وه‌ داين به‌خشينه‌ى دارايى ئه‌را زيندانيه‌يل سياسى له‌ گشت عراق و هه‌رێم.

 

حاجى ساڵح له‌ كۆنگره‌يگ رووژنامه‌گه‌رى له‌ هه‌ولێر وت: هه‌وڵ دايم به‌خشينه‌ى دارايى له‌ كه‌سوكار شه‌هيده‌يل و ئه‌نفالكرياگه‌يل كه‌مه‌و نه‌كريه‌ێد و قه‌يران دارايى ك هاته‌سه‌ تويش هه‌رێم كاريگه‌رى خراو له‌بانيان نه‌ياشتوود و وه‌ڕاسى حكومه‌ت كوردستان جواو داواكاريمان داره‌وه‌و سوپاسگوزاريم له‌لێ.

 

جى باسه‌، حاجى ساڵح باس له‌وه‌يش كرد ك وزاره‌ته‌گه‌ وه‌رده‌وامه‌ له‌ په‌يوه‌ندى وه‌ل حكومه‌ت ناوه‌ندى له‌ به‌غدا ئه‌را دابينكردن به‌خشينه‌ى دارايى ئه‌را زيندانيه‌يل سياسى و ئه‌ركه‌ له‌بان به‌غدا ئه‌و كاره‌ ئه‌نجام بيه‌ێد وه‌گووره‌ى ئه‌وه‌گ له‌ ده‌ستوور عراقى هاتگه‌.