هــــه‌واڵ كــوردى
بارزانى ئاشكراێ هه‌ڵويستى كرد له‌ عه‌ره‌ب كوردستان و سه‌در و سعوديه‌

بارزانى ئاشكراێ هه‌ڵويستى كرد له‌ عه‌ره‌ب كوردستان و سه‌در و سعوديه‌


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، له‌نوو جه‌خت له‌ ئه‌نجامداين راپرسێ ئه‌را سه‌روه‌خوه‌يى هه‌رێم كوردستان كرد له‌ واده‌ێ دياريكرياگ و سه‌ركه‌فتن هه‌ر شه‌اكه‌تيگ دريژماوه‌يش وه‌ل حكومه‌ت به‌غدا دويره‌و خست.

 

بارزانى له‌ ديمانه‌يگ وه‌ل رووژنامه‌ێ عه‌كاز سعودێ وت: دوياخستن راپرسێ وه‌ هويچ شيوه‌يگ وارد نيه‌و 100 ساڵ گوزه‌يشت ئه‌زموون شكه‌ستيگ بويه‌ پڕ له‌ خوين و جه‌نگ و دووسێ و ناخوازيم جاريگتر گله‌و بخوه‌يم ئه‌را ئه‌و ئه‌زموون شكه‌سته‌.

 

بارزانى وت: پرووژه‌ێ سه‌روه‌خوه‌يى هه‌رێم پرووژه‌يگه‌ ئه‌را ملله‌ت كورد له‌ كوردستان عراق و پرووژيگ من وه‌ ته‌نيا نيه‌و عه‌ره‌بيش ئازادن له‌ بريار به‌شداريكردن له‌ راپرسێ يا به‌شدارێ نه‌كردن و ئازادن له‌ هه‌رێم جوور شه‌ريك راسكانى بژيه‌ن له‌بان بنه‌ماێ هاووڵاتيبوين و له‌باره‌ێ كانديدكردنيش ئه‌را سه‌رۆكايه‌تى هه‌رێم وت: هه‌ڵوژاردن له‌ واده‌ێ خوه‌ى ئه‌نجام ئه‌گرێد و منيش جاريگتر خوه‌م كانديد ناكه‌م و باس له‌وه‌يش كرد ك هويچ كه‌سيگيش له‌ قه‌ومه‌يلى خوه‌ى كانديد ناكا.

 

جى باسه‌، بارزانى له‌ باره‌ێ په‌يوه‌نديه‌يل وه‌رده‌واميش له‌ ناونى هه‌رێم و ره‌وت سه‌درێ وت: ره‌وت سه‌در ره‌وتيگه‌ نيشتمانى و ئاماژه‌ وه‌يه‌يش كرد ك په‌يوه‌نديمان وه‌ل موقته‌دا سه‌در سه‌ركرده‌ێ ره‌وته‌گه‌ فريه‌ قايمه‌ و له‌ هه‌مان وه‌خت له‌باره‌ێ په‌يوه‌ندێ وه‌ل سعوديه‌يش ئه‌وه‌ ده‌رخست كك په‌يوه‌ندێ هه‌رێم و سعوديه‌يش په‌يوه‌ندييگ قويل و مێژووييه‌ و حاڵ حازريش وه‌ شيوه‌ێ خاسيگ وه‌رده‌وامه‌.