هــــه‌واڵ عــیراق
سێكوتى چه‌كه‌يل داعش له‌ يه‌كێتى ئۆرپا دروس كريانه‌

سێكوتى چه‌كه‌يل داعش له‌ يه‌كێتى ئۆرپا دروس كريانه‌


شه‌فه‌ق نيوز/ رووژنامه‌ى ده‌يلى تليگراف باوه‌تيگ جوزى ئينزور په‌يامنێر رووژنامه‌نويس له‌ به‌يروت بڵاو كرد وه‌ناونيشان "سێكوتى چه‌كه‌يل داعش له‌ يه‌كێتى ئۆرپا دروس كريانه‌".

 

رووژنامه‌گه‌ وت: تازه‌ترين په‌يجوريه‌يل ك ئه‌نجام دريانه‌ له‌باره‌ێ ئه‌وه‌گ ريكخرياگ ترۆريستى داعش ئه‌و چه‌كه‌يله‌ چوين وه‌ده‌سهاورد ك هاورده‌يانه‌ كار له‌ جه‌نگه‌يلێ له‌ عراق و سوريا، ئه‌وه‌ دوركه‌فت ك سێكوتى ئه‌و چه‌ك و ته‌قه‌مه‌نيه‌يله‌ له‌ وڵاته‌يل يه‌كێتى ئۆرپا دروس كريانه‌.

 

رووژنامه‌گه‌ هه‌ميش وت: چه‌كداره‌يل ئه‌و ريكخرياگه‌ وه‌شيوه‌ى فراوانيگ پشت وه‌ تفه‌نگه‌يل ئالى و قازيفه‌يل زه‌خيره‌ و ته‌قه‌مه‌نيه‌يله‌ به‌سان ك له‌ى دوياخره‌ كلكريانه‌ ئه‌رايان له‌ رۆمانيا و مه‌جه‌ر و بوڵغارياو ئيسه‌يش باس له‌وه‌ ئه‌كريه‌ێد ك ناوه‌ند توێژنه‌وه‌يل پڕچه‌ككردن و كيشمه‌كيشه‌يل ئه‌گه‌ردێده‌ شوون سه‌رچه‌وه‌يل ئه‌و ته‌مويلكردن و پڕچه‌ككردنه‌يله‌ له‌ مه‌يدانه‌يل ناونده‌وڵه‌تى.