هــــه‌واڵ كــوردى
په‌رله‌مان كوردستان جواو بڕيار دادگاى ناوه‌ندى داره‌و: ته‌نيا سڵاێ شيه‌وكردن ديرێد

په‌رله‌مان كوردستان جواو بڕيار دادگاى ناوه‌ندى داره‌و: ته‌نيا سڵاێ شيه‌وكردن ديرێد


شه‌فه‌ق نيوز/ جه‌عفه‌ر ئيمينكى جيگر سه‌رۆك په‌رله‌مان كوردستان، جه‌خت له‌وه‌ كرد ك دادگاى ناوه‌ندى عراقى ته‌نيا سڵاى شيه‌وكردن ده‌ستوور ديرێد نه‌ك ده‌ركردن بڕيار له‌باره‌ى ده‌ستووريه‌ت يا ناده‌ستووريه‌ت راپرسێ سه‌روه‌خوه‌يى هه‌رێم كوردستان.

 

ئيمينكى له‌ ديمانه‌يگ وه‌ل ئاژانس ئه‌نادۆڵ توركى، وت: بڕيار دادگاى ناوه‌ندى عراقى له‌باره‌ى هه‌ڵوه‌شاننه‌وه‌ى راپرسى هه‌رێم كوردستان بڕياريگ چه‌وه‌ڕيكرياێ بوى و نگه‌رانى وجوود ئيچنه‌ دادگايگ وه‌ى شيواز ئيسه‌ ناشاريه‌ێده‌و.

 

جى باسه‌، ئيمينكى هه‌ميش وت: ئى دادگا له‌ساڵ 2004 دامه‌زرياگه‌و بايه‌سه‌ بوى دوياى جيگيركردن ده‌ستوور هه‌ميشه‌يى عراقى دوباره‌ دامه‌زرياتاد، وه‌لێ ئى كاره‌ نه‌كرياو دادوه‌ره‌يليش هه‌مان ئه‌و دادوه‌ره‌يله‌نه‌ ك له‌ساێ حوكم بۆڵ برێمه‌ر حاكم كه‌ده‌نى ئه‌مريكى دامه‌زريانه‌و ئاماژه‌ وه‌يه‌يش كرد ك په‌رله‌مان كوردستان ئى بڕيار دادگاى ناوه‌نديه‌ له‌باره‌ى راپرسى ره‌ته‌و ئه‌كا.