هــــه‌واڵ عــیراق
چوار ئاوايى له‌ قه‌زاێ راوه‌ ئازاد كريان

چوار ئاوايى له‌ قه‌زاێ راوه‌ ئازاد كريان


شه‌فه‌ق نيوز/ هيزه‌يل عراقى تويه‌نستن چوار ئاوايى ئازاد بكه‌ن دوياى چه‌ن سه‌عاتيگ له‌ ده‌سوه‌پيكردن هه‌ڵمه‌يل سه‌ربازى ئه‌را وه‌ناوچگن دوياى بنگه‌ێ ريكخرياگ ترۆريستى داعش له‌ عراق.

 

عه‌بدولئه‌مير ره‌شيد ياره‌ڵڵا سه‌ركرده‌ى فه‌رمانده‌يى پاكسازى به‌رزايه‌يل ئه‌لفورات و ئه‌لجزيره‌ له‌ به‌ياننامه‌يگ وت: كه‌رته‌يل سه‌ركردايه‌تى فه‌رمانده‌يى ئه‌لجزيره‌ و حه‌شد عه‌شايرى تويه‌نستنه‌ ناوچه‌يل(ئه‌بو كوه‌، ئه‌لبو عوبێد، ئه‌لقادسيه‌، ئه‌لئه‌زرشيه‌)له‌ به‌ش خوه‌رئاواى ناوه‌ندى قه‌زاى راوه‌ ئازاد بكه‌ن.

 

جى باسه‌، په‌نجشه‌ممه‌ى گوزه‌يشت هاوپه‌يمان ناوده‌وڵه‌تى ئاشكراى ئه‌وه‌ كرد ك ريكخرياگ ترۆريستى داعش 95% له‌ خاكه‌يل ژير ده‌سڵاتى له‌ سوريا و عراق له‌ده‌س داگه‌.