هــــه‌واڵ كــوردى
موتڵه‌گ حكومه‌ت "زوورمينه‌و نيشتمانى و ته‌كنۆكرات" ره‌ته‌و ئه‌كا

موتڵه‌گ حكومه‌ت "زوورمينه‌و نيشتمانى و ته‌كنۆكرات" ره‌ته‌و ئه‌كا


شه‌فه‌ق نيوز/ ساڵح موتڵه‌گ سه‌ركرده‌ى به‌ره‌ى عراقى ئه‌را گفتگوو نيشمانى، وت: عراق ئمڕوو له‌بان دوڕيانيگ واز وسياگه‌ دوياى ئاشكراكردن ئاكام هه‌ڵوژاردنه‌يل و لايه‌نه‌يل سه‌ركه‌فتگ ده‌سكردنه‌سه‌ جموجويل فره‌يگ وه‌خاتر ئاشكراكردن فراكسيۆن گه‌وراى په‌رله‌مانى ئه‌را ئه‌وه‌گ حكومه‌ت تازه‌ دامه‌زريه‌ێد.

 

موتڵه‌گ دوياى ديدارى وه‌ل شاند پارت ديموكرات كوردستان ك حاڵ حازر سه‌ردان به‌غدا كردنه‌، وت: ئوميده‌واريم حكومه‌تيگ نيشتمانى بياشتويم گشت ئارزه‌ووه‌يل ملله‌ت عراق بارێده‌ دى و كار وه‌يه‌ك چه‌و بكا له‌ وه‌رانوه‌ر كيشه‌ێ پيكهاته‌يل جياجياو كاريش له‌بان وازكردن گريه‌يل بكاو گشت نه‌خوه‌شيه‌يل سياسى و ئه‌منييش چاره‌سه‌ر بكا.

 

موتڵه‌گ له‌ هه‌مان وه‌خت وشدارييش دا له‌ مه‌سه‌له‌ى فه‌رامووشكردن و ته‌كڕه‌وێ و دويرخستنه‌وه‌ى لايه‌نه‌يل تر وه‌ مه‌هانه‌ى زوورمينه‌و نيشتمانى و ته‌كنۆكراتى و وت: ئيمه‌ حكومه‌ته‌يگ ئه‌خوازيم وه‌يه‌ك چه‌وه‌و تماشاى گشتلايگ بكا.