هــــه‌واڵ عــیراق
په‌رله‌مانتاريگ فشار حكومه‌ت له‌بان پاريزگايه‌يل باشوور ئه‌را خه‌سخه‌سه‌ ئاشكرا كرد

په‌رله‌مانتاريگ فشار حكومه‌ت له‌بان پاريزگايه‌يل باشوور ئه‌را خه‌سخه‌سه‌ ئاشكرا كرد


شه‌فه‌ق نيوز/ عه‌واتف نعمه‌ ئه‌ندام ئه‌نجومه‌ن نوێنه‌ره‌يل له‌بان ئئتلاف ده‌وڵه‌ت ياسا، مه‌سه‌له‌ى زيايبوين بڕيار وزه‌ى كاره‌با له‌ پاريزگاى به‌سره‌ وه‌ ئه‌وه‌ تاريف كرد ك هووكاريگه‌ له‌ فشار ئه‌را ناچاركردن مه‌ردم له‌وه‌ر قه‌بولكردن وه‌ خه‌سخه‌سه‌ى كاره‌با.

 

نعمه‌ له‌ به‌ياننامه‌يگ وت: ئى خه‌سخه‌سه‌ وه‌ مانا زانستيه‌گه‌ێ ماناى پيشكه‌شكردن ئاسانكاريه‌ ئه‌را كه‌رت تايبه‌ت له‌وه‌ر جيوه‌جيكردن پرووژه‌يليگ له‌ بواره‌يل جياجياى خزمه‌تگوزارى و ئاوه‌دانى و كاره‌يل تر وه‌ پويل سه‌رمايه‌دار نه‌ك ته‌سليمكردن موڵك ده‌وڵه‌ت وه‌ سه‌رمايه‌دار،ك دوياخريش ئى بودعه‌ى خه‌سخه‌سه‌ى كاره‌با ماناى داين مل هاووڵاتيه‌يله‌ وه‌ده‌س كومپانيايه‌يليگ ك هه‌ق وه‌رگرن كاره‌با فريه‌ به‌رز داوا ئه‌كه‌ن و مه‌ردميش تواناى داينى نه‌يرن.

 

جى باسه‌، ناوبرياێ هه‌ميش وت: خه‌سخه‌سه‌ى كاره‌با له‌ پاريزگايه‌يل باشوور مه‌ينه‌تى هاووڵاتيه‌يل زياتره‌و ئه‌كا ك زوورميان ده‌خڵيان ديارى كرياگه‌.