هــــه‌واڵ عــیراق
دادگاى ناوه‌ندى په‌سه‌نكردن ئه‌نجام هه‌ڵوژاردنه‌يل يه‌كلاوه‌ كرد

دادگاى ناوه‌ندى په‌سه‌نكردن ئه‌نجام هه‌ڵوژاردنه‌يل يه‌كلاوه‌ كرد


شه‌فه‌ق نيوز/ ئه‌ياس ساموك قسه‌كه‌ر فه‌رمى وه‌ناو دادگاى باڵاى ناوه‌ندى، ئاشكراى ئه‌وه‌ كرد ك دادگا مه‌سه‌له‌ى په‌سه‌نكردن ئه‌نجام هه‌ڵووژاردنه‌يل په‌رله‌مانى يه‌كلاوه‌ كردگه‌.

 

ساموك له‌ به‌ياننامه‌يگ ئه‌را شه‌فه‌ق نيوز وت: ده‌مه‌و شه‌وه‌كى ئمڕوو دادگاى باڵاى ناوه‌ندى دانيشتنيگ ساز كردگه‌ وه‌ ئاماده‌بوين گشت ئه‌ندامه‌يلى و نوڕسته‌سه‌ داواكارى په‌سه‌نكردن ئه‌نجام كووتايى هه‌ڵوژاردنه‌يل ئه‌نجومه‌ن نوێنه‌ره‌يل عراقى.

 

سامول هه‌ميش وت: دادگا دقه‌ت ئه‌و ناوه‌يله‌ كردگه‌ ك له‌كۆمسيۆن باڵاى سه‌روه‌خوه‌ى هه‌ڵوژاردنه‌يله‌و ئه‌راى هاتگه‌ وه‌كتاويگ له‌ 17/ 8/ 2018 و دوياى دقه‌تكردنى بڕيار كووتايى دا ئه‌را په‌سه‌نكردن ناوه‌يل و ده‌ركردن بڕيايگ له‌ى باوه‌ته‌و.