هــــه‌واڵ عــیراق
شماردنه‌وه‌ى ده‌سيى ده‌نگه‌يل له‌ ئه‌نبار هاوشيوه‌ ده‌رچێ

شماردنه‌وه‌ى ده‌سيى ده‌نگه‌يل له‌ ئه‌نبار هاوشيوه‌ ده‌رچێ


شه‌فه‌ق نيوز/ سه‌رچه‌وه‌يگ له‌ كۆمسيۆن باڵاى سه‌روه‌خوه‌ى هه‌ڵوژاردنه‌يل، باس له‌وه‌ كرد ك ئاكامه‌يل جياكردنه‌وه‌و شماردنه‌وه‌ى ده‌سيى ده‌نگه‌يل له‌ پاريزگاى ئه‌نبار له‌و سه‌ندووقه‌يله‌ ك تانه‌ له‌بانيان بويه‌، هاوشيوه‌ ده‌رچيه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: ئاكام جياكردنه‌وه‌و شماردنه‌وه‌ ئه‌را 160 ويستگه‌ له‌ ويستگه‌يل ئه‌نبار له‌ جه‌م 501 سه‌ندوق هاوشيوه‌ى ده‌نگه‌يل گوزه‌يشت بويه‌.

 

سه‌رچه‌وه‌گه‌ يه‌يش ده‌رخست ك دويه‌كه‌ جياكردنه‌وه‌و شماردن ئه‌را 180 ويستگه‌ كرياگه‌و گشت ده‌نگه‌يل هاوشيوه‌ بوينه‌و ئامار رووژه‌يل يه‌كه‌م و دويه‌م 340 ويستگه‌ بويه‌و گشتيانيش هاوشيوه‌ ده‌رچينه‌.