هــــه‌واڵ عــیراق
په‌نج كه‌س وه‌ تومه‌ت تيرۆر له‌ به‌غدا ده‌سگير كريان

په‌نج كه‌س وه‌ تومه‌ت تيرۆر له‌ به‌غدا ده‌سگير كريان


شه‌فه‌ق نيوز/ سه‌ركردايه‌تى هيزه‌يل پۆليس ناوه‌ندى ئاشكراى ده‌سگيركردن په‌نج كه‌س كرد وه‌ ته‌مه‌ت مه‌سه‌له‌ى تيرۆر له‌ ناوچه‌يل جياجيا له‌ به‌غداى پايته‌خت وه‌ گووره‌ى فه‌رمانه‌يل ده‌سگيركردن له‌لايه‌ن دادگاى عراقيه‌و.

 

سه‌ركردايه‌تيه‌گه‌ له‌ به‌ياننامه‌يگ ئه‌را شه‌فه‌ق نيوز وت: هيزيگ له‌ فه‌وج يه‌ك له‌ ليواى يه‌ك له‌ تيم يه‌ك 3 تومه‌بار داواگرياێ وه‌ گووره‌ى مادده‌ى 4 تيرۆر له‌ ماڵ خوه‌يان ده‌سگير كردنه‌ له‌ ناوچه‌ى نه‌هره‌وان له‌ دوڕيان 9 نيسان له‌ باشوور به‌غدا.

 

به‌ياننامه‌گه‌ وت: هيزيگ تر له‌ ليواى شه‌ش له‌ تيم دوو تومه‌تباريگ تر وناو(م) له‌ ناوچه‌ى سه‌يديه‌ ده‌سگير كردگه‌ ك ئه‌ويش وه‌ گووره‌ى مادده‌ى 446 داواكرياێ بويه‌ له‌لايه‌ن دادگاى به‌ياع و ئاماژه‌ وه‌يه‌يش كرد هيزيگ تر له‌ پۆليس ناوه‌ندى كه‌سيگ تر ده‌سگير كردگه‌ له‌ ناوچه‌ى زه‌يونه‌ له‌ كويچه‌ى 720 وه‌ناو(ف) ك ئه‌ويش فه‌رمان ده‌سگيركردن ده‌رهه‌قى ده‌رچيه‌ له‌ دادگاى كازميه‌ وه‌ گووره‌ى مادده‌ى 459 ق.ع.