ماكگۆرك سه‌ردان هه‌ولێر ئه‌كا و چه‌وێ ئه‌كه‌فێده سێ سه‌ركرده‌ێ كوردستان
هــــه‌واڵ كــوردى
ماكگۆرك سه‌ردان هه‌ولێر ئه‌كا و چه‌وێ ئه‌كه‌فێده سێ سه‌ركرده‌ێ كوردستان
شه‌فه‌ق نيوز/ سه‌رچه‌وه‌يليگ سياسى له شار هه‌ولێر پايته‌خت هه‌رێم كوردستان، ئه‌وه ده‌رخستن ك برێت ماكگۆرك نوێنه‌ر تايبه‌ت سه‌رۆك ئه‌مريكى ئه‌را جه‌نگ دژ داعش له عراق و سوريا، سوو په‌نجشه‌ممه سه‌ردان هه‌ولێر ئه‌كاو چه‌وێ ئه‌كه‌فێده سێ سه‌ركرده له سه‌ركرده‌يل هه‌رێم.
ئه‌و سه‌رچه‌وه‌يله باس له‌وه كردن ك ماكگۆرك له‌وه‌خت ره‌سينى ئه‌را هه‌رێم كوردستان، له هه‌ولێر چه‌وێ ئه‌كه‌فێده ئه‌و سێ سه‌ركرده وه جياجيا، ك پيكهاتنه له عومه‌ر سه‌يد عه‌لى رێكخه‌ر گشتى بزووتنه‌وه‌ى گۆڕان و به‌رهه‌م ساڵح سه‌رۆك هاوپه‌يمانى ئه‌را ديموكراسى و دادپه‌روه‌رى و نێچيروان بارزانى سه‌رۆك حكومه‌ت هه‌رێم كوردستان.
جى باسه، سه‌رچه‌وه‌يل ئاماژه وه‌يه‌يش كردن ك ئه‌گه‌ره‌يل ئه‌وه‌يش هه‌س ك ماكگۆرك دانيشتن وه‌ل هه‌رسێ سه‌ركرده وه‌يه‌كيشه‌و ئه‌نجام بيه‌ێد، وه‌لێ تائيسه هيمان ديار نيه‌و يه‌يش دويه‌مين سه‌ردانه ئه‌را ئه‌و وه‌رپرس ئه‌مريكيه له‌شوون راپرسێ 25 ئه‌يلوول له ساڵ گوزه‌يشت.
