هــــه‌واڵ عــیراق
ئسرائيل باس جيگيربوين ئيران ئه‌كاو عراقيش خسته‌ بازنه‌ى چه‌ودێرى

ئسرائيل باس جيگيربوين ئيران ئه‌كاو عراقيش خسته‌ بازنه‌ى چه‌ودێرى


شه‌فه‌ق نيوز/ وه‌رپرسيگ سه‌ربازى ئسرائيلى، ئه‌وه‌ ده‌رخست ك وڵاته‌گه‌ى له‌ نزيكه‌وه‌ چه‌وديرێ هه‌وڵه‌يل ئيرانى ئه‌كا ئه‌را خوه‌ى جيگيركردن له‌ عراق.

 

له‌ى باوه‌ته‌، ئاورى ئاورۆن، سه‌ركرده‌ى هه‌واڵگرى هيز ئاسمانى ئسرائيلى، له‌ باسيگ ئه‌را رووژنامه‌ى هارتس عبرى وت: وه‌رجه‌ ساڵيگ وه‌هويچ شيوه‌يگ چه‌وديرێ عراق نه‌كرديمنه‌، وه‌لێ ئيسه‌ له‌ نزيكه‌و چه‌وديرێ توانايه‌يل ئيرانى ئه‌كه‌يم و له‌وانه‌يش له‌باره‌ى وجووديه‌و له‌ عراق.

 

ئاورۆن هه‌ميش وت: ئيمه‌ى له‌يوا دوينيم ئيران سه‌ر له‌لێ شيوياگه‌ له‌ بنگه‌يل به‌رهه‌مهاوردن مووشه‌كه‌يل له‌ سوريا و لوبنان و ئيرانيه‌يليش باوه‌ڕيان ئه‌وه‌سه‌ هيز مووشه‌كه‌يل رێره‌و به‌رزيگ ديرێد و له‌ هه‌مان وه‌خت مه‌يل دامه‌زرانن توانايه‌يل سه‌ربازييش ديرن ئه‌را ئه‌وه‌گ وه‌ جووريگ له‌ جووره‌يل زاڵ بوون له‌بان سوريا نه‌ك ئه‌را ئه‌وه‌گ سوريا وه‌ شيعى بكه‌ن.