هــــه‌واڵ عــیراق
يابان 4.5 مليۆن دۆلار ئه‌مريكى به‌خشا خيزانه‌يل كووچبه‌ر موسڵ

يابان 4.5 مليۆن دۆلار ئه‌مريكى به‌خشا خيزانه‌يل كووچبه‌ر موسڵ


شه‌فه‌ق نيوز/ حكومه‌ت يابانى ئاشكراێ پشتگيرێ خوه‌ى له‌ كومسيۆن سامى په‌نابه‌ره‌يل كرد وه‌ به‌خشينه‌يگ له‌ناكاو وه‌ بڕ 4.5 مليۆن دۆلار ئه‌مريكى وه‌خاتر پشتگيرى مه‌عنه‌وێ ئنسانى ك كۆمسيۆنه‌گه‌ پيشكه‌شێ ئه‌كاده‌ خيزانه‌يل كووچبه‌ر له‌ قه‌يران موسڵ.

 

كومسيۆنه‌گه‌ له‌ به‌ياننامه‌يگ ك روێنويسيگێ ره‌سيه‌(شه‌فه‌ق نيوز)وت: ئى ته‌مويل تازه‌ ئامانج له‌لى خاسه‌وكردن بار گوزران رووژانه‌ێ زوورم خيزانه‌يل كووچبه‌ره‌ ئه‌را وه‌رز زمسان ئاينده‌.

 

جى باسه‌، كومسيۆن ناوبرياێ هه‌ميش وت: ئى به‌خشينه‌ێ له‌ناكاوه‌ هاوكارييگه‌ ئه‌را دابينكردن شوون زمسانه‌و خوه‌راك و چشته‌يل تر جوور په‌توو و سۆپه‌ و هه‌وه‌جه‌يل تر پلاستيكێ.