هــــه‌واڵ عــیراق
عه‌شاير عه‌ره‌ب قه‌وڵ دا خه‌ڵك به‌سره‌و داواى قورتاركردنيان ئه‌كا

عه‌شاير عه‌ره‌ب قه‌وڵ دا خه‌ڵك به‌سره‌و داواى قورتاركردنيان ئه‌كا


شه‌فه‌ق نيوز/ مزاحم ئه‌لحوێت قسه‌كه‌ر وه‌ناو عه‌شاير عه‌ره‌ب له‌ ناوچه‌يل كيشه‌له‌سه‌ر، جه‌خت له‌وه‌ كرد عه‌شايريان هه‌ماهه‌نگ ئه‌دێ وه‌ل خوه‌ينيشانده‌ره‌يل به‌سره‌و ده‌نگيان ئه‌ڕه‌سنێده‌ حكومه‌ت هه‌رێم كوردستان.

 

ئه‌لحوێت له‌ به‌ياننامه‌يگ ئه‌را شه‌فه‌ق نيوز وت: دوياى ريككه‌فتن وه‌ل عه‌شاير پاريزگاى به‌سره‌و بانگه‌وازيان ئه‌رامان، ئيمه‌يش له‌لايه‌ن خوه‌مانه‌وه‌و له‌جياى مه‌ردمه‌يلمان له‌ به‌سره‌ ده‌نگ و په‌ياميان ئه‌ڕه‌سنيمه‌ حكومه‌ت هه‌رێم كوردستان و حكومه‌ت ئه‌مريكى و يه‌كێتى ئۆرپا و ريكخرياگ ناوده‌وڵه‌تى و ئه‌نجومه‌ن ئاسايش ناوده‌وڵه‌تى و كۆمكار ده‌وڵه‌ته‌يل عه‌ره‌بى.

 

ئه‌لحوێت هه‌ميش وت: داوا له‌ ريكخرياگه‌يل ناوده‌وڵه‌تى و حكومه‌ته‌يل ئه‌كه‌يم مه‌ردم به‌سره‌ قورتار بكه‌ن له‌و تاوانه‌يله‌ ك حكومه‌ت ده‌رهه‌ق مه‌ردم ئه‌و پاريزگا ئه‌نجامى ئه‌ياد له‌وه‌ر ئه‌وه‌گ داواى كه‌مترين مافه‌يل خوه‌يان ئه‌كه‌ن دوياى پشتگووشخستنيان له‌لايه‌ن حكومه‌ت ك وه‌هيز وه‌ليانا مامڵه‌ ئه‌كاو ره‌حم له‌ليان ناكا.