هونه‌ر
"زاگرۆس" كاندیده‌ ئه‌را شەش خەڵات لە ئۆستەندا

"زاگرۆس" كاندیده‌ ئه‌را شەش خەڵات لە ئۆستەندا


شه‌فه‌ق نيوز/ فیلم سینەمایی "زاگرۆس"، لە دراوردن سەهیم عومەر خەلیفە دراوه‌ر كورد كاندیده‌ ئه‌را شەش خەڵات "ئینسۆرس" لە ڤێستیڤاڵ فیلم ئۆستەندا "Oostende Film Festival" كە تایبەتە وە فیلمه‌يل بەلجيكى.

 

ئى فیلمە كاندیده‌ ئه‌را خەڵات خاسترین فیلم، خاسترین دەراوەر، خاسترین سیناریۆ، خاسترین ئەكتەر ژن، خاسترین وێنەگر و خاسترین پرۆدەكشن دیزاین.

 

 جى باسه‌، خەڵاتەگە، وه‌ خەڵات ئۆسكار سینەمای بەلجیكا ناسرياگە و وە دو  قۆناغ لەلایەن 400 سینەماكار و رەخنەكارەو دەنگ لەبان فیلمەيل دريه‌ێد، ك هه‌ر فيلميگ فريه‌ترين ده‌نگ ليژنه‌ى مه‌زه‌نه‌كردن وه‌ده‌س بارێد ئه‌دێده‌ به‌رنده‌ى خه‌ڵاته‌گه‌.