هــــه‌واڵ كــوردى
يه‌كه‌م پاسه‌پۆرت له‌ هه‌ڵه‌بجه‌ ده‌ركرياو ناو پاريزگاگه‌ وه‌پيه‌و نيه‌

يه‌كه‌م پاسه‌پۆرت له‌ هه‌ڵه‌بجه‌ ده‌ركرياو ناو پاريزگاگه‌ وه‌پيه‌و نيه‌


شه‌فه‌ق نيوز/ ئمڕوو ده‌زگاى پاسه‌پۆرت هه‌ڵه‌بجه‌ له‌ هه‌رێم كوردستان كرياوه‌و هاووڵاتييگ وه‌ناو سارا يه‌كه‌م كه‌سيگ بوێ پاسه‌پۆرت وه‌رگرت، وه‌لێ ناو هه‌ڵه‌بجه‌ وه‌پيه‌و نه‌وێ، به‌ڵكوو له‌بانى نويسرياوێد عراق - سلێمانى.

 

له‌ى باوه‌ته‌و، وه‌ڕيه‌وبه‌ر پاسه‌پۆرت هه‌ڵه‌بجه‌ له‌ باسيگ ته‌له‌فزيۆنى، وت: وه‌ڕيه‌وبه‌رايه‌تيه‌گه‌ سه‌روه‌خوه‌يه‌و سه‌ر وه‌وه‌ڕيه‌وبه‌رايه‌تى گشتى ره‌گه‌زنامه‌س له‌ هه‌ولێر و ئه‌وه‌گ له‌بان پاسه‌پۆرته‌گه‌ نويسياگه‌(عراق - سلێمانى)هووكارى ئه‌وه‌سه‌ وه‌ڕيه‌وبه‌رايه‌تيه‌گه‌ تائيسه‌ تواناى ته‌سميمكردن پاسه‌پۆرت هه‌ڵه‌بجه‌ نه‌يرێد و هه‌ر وه‌و خاتريشه‌ 100 پاسه‌پۆرت ده‌ركردگه‌و وه‌ى نزيكه‌ى ئاڵشت ئه‌كريه‌ن ئه‌را ناو پاريزگاى هه‌ڵه‌بجه‌.

 

جى باسه‌، دوياى وازكردن وه‌ڕيه‌وبه‌رايه‌تى پاسه‌پۆرت هه‌ڵه‌بجه‌ ئاسانكارى فريه‌يگ ئه‌را هاووڵاتيه‌يل له‌ ناوچه‌كه‌ ده‌سه‌وه‌ر بوێ و برياريشه‌ وه‌ى نزيكه‌يله‌ دو وه‌ڕيه‌وبه‌رايه‌تى هاتوچوو و كارت نيشتمانييش له‌ هه‌ڵه‌بجه‌ بكريه‌ێده‌و.