هــــه‌واڵ عــیراق
مه‌عسوم قه‌وڵ جيوه‌جيكردن داواكاريه‌يل مه‌ردم به‌سره‌ دا

مه‌عسوم قه‌وڵ جيوه‌جيكردن داواكاريه‌يل مه‌ردم به‌سره‌ دا


شه‌فه‌ق نيوز/ فوئاد مه‌عسوم سه‌رۆك كۆمار عراق، جه‌خت له‌ خواست دابينكردن هه‌وه‌جه‌يل كردد له‌ مه‌سه‌له‌ى خزمه‌تگوزاريه‌يل ك پاريزگاى به‌سره‌ ناڵنێد وه‌پيه‌و وه‌ل كه‌مى كاره‌باو ئاوه‌يل پاك ئه‌را خواردن و ته‌ندروسى و ده‌رفه‌ت كار ئه‌را بيكاره‌يل.

 

سه‌رۆكايه‌تى كۆمار له‌به‌ياننامه‌يگ ك شه‌فه‌ق نيوز ئاگادارى بوى، وت: مه‌عسوم پيشوازى له‌ شانديگ له‌ سه‌رۆك هووزه‌يل به‌سره‌ كرد وه‌ سه‌رۆكايه‌تى شێخ عه‌بدولسه‌لام مالكى و وه‌ليانا باس له‌ روێداگه‌يل ئى دوياخره‌ كرد و قه‌وڵ ئه‌وه‌يش وه‌پيان دا گرينگى بدريه‌ێده‌ مه‌ردم ئه‌و شاره‌ بيجگه‌ چاره‌سه‌ر كيشه‌يليان له‌گشت بواره‌يل خزمه‌تگوزارى.

 

جى باسه‌، به‌ياننامه‌گه‌ هه‌ميش وت: مه‌عسوم جه‌ختيش له‌بان ئه‌وله‌ويه‌ت چاره‌سه‌ر كيشه‌ى بيكارى كردگه‌ ك جايه‌ڵه‌يل و مه‌ردم فه‌قير ناڵنن وه‌جه‌سيه‌و، ئه‌ويش له‌رێ زيايكردن دامه‌زرانن و وه‌پيداين وه‌زيفه‌ وه‌ خه‌ڵك ئه‌و شاره‌ و ئاماژه‌ وه‌يه‌يش كرد ك بايه‌سه‌ چاره‌سه‌ريگ هه‌ميشه‌يى ئه‌را كيشه‌يل نيشته‌جى و كووتاييهاوردن مه‌ينه‌تيه‌يليان بكريه‌ێد.