هــــه‌واڵ كــوردى
ئه‌مريكا په‌يوه‌نديه‌يلێ وه‌ل كوردستان بته‌وتر ئه‌كا

ئه‌مريكا په‌يوه‌نديه‌يلێ وه‌ل كوردستان بته‌وتر ئه‌كا


شه‌فه‌ق نيوز/ مايكڵ بومبيۆ وه‌زير خارجيه‌ى ئه‌مريكى، له‌ نامه‌يگ ئه‌را مه‌سرور بارزانى راوێژكار ئه‌نجومه‌ن ئاسايش هه‌رێم كوردستان، جه‌خت له‌ پابه‌ندى ئه‌مريكا وه‌ قه‌وڵه‌يلێ ئه‌را هاوپه‌يمانه‌يلێ كرد و مه‌يل خوه‌يشى ئه‌را بته‌وكردن په‌يوه‌نديه‌يل ئه‌مريكا وه‌ل هه‌رێم كوردستان نيشاندا.

 

نامه‌گه‌ى بومبيۆ له‌ جواودانه‌وه‌ى نامه‌ پيرووزباييه‌گه‌ى مه‌سرور بارزانى هات وه‌ بوونه‌ى وه‌رگرتن ئه‌ركه‌گه‌ى جوور وه‌زير خارجيه‌ى ئه‌مريكى.

 

جى باسه‌، بومبيۆ جه‌ختيش له‌بان يه‌كڕزى گشت لايه‌نه‌يل كرد وه‌خاتر ده‌سوه‌ركردن سه‌قامگيرى و ئاشتى له‌ ناوچه‌گه‌و باس له‌وه‌يش كرد ئه‌مريكا پايه‌نده‌ وه‌گشت ئه‌و قه‌ويليه‌ ك داسه‌ێ له‌ وه‌رانوه‌ر هاوپه‌يمانه‌يلێ.