هــــه‌واڵ عــیراق
ئاسايش نيشتمانى دانيشتنيگ له‌ناكاو له‌باره‌ى خوه‌ينيشانداينه‌يل ساز كرد

ئاسايش نيشتمانى دانيشتنيگ له‌ناكاو له‌باره‌ى خوه‌ينيشانداينه‌يل ساز كرد


شه‌فه‌ق نيوز/ ئه‌نجومه‌ن وه‌زارى ئاسايش نيشتمانى دانيشتنيگ له‌ناكاو وه‌ سه‌رۆكايه‌تى حه‌يده‌ر عه‌بادى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كدار سازكرد ئه‌را تاوتوێكردن بارودوخ ئه‌منى.

 

ئه‌نجومه‌نه‌گه‌ له‌ به‌ياننامه‌يگ ئه‌را شه‌فه‌ق نيوز، وت: ئه‌نجومه‌نه‌گه‌ باس له‌و روێداگه‌يله‌ كرد ك روێدان له‌ چه‌ن ناوچه‌يگ و له‌لايه‌ن شماره‌يگ له‌ مه‌ردمه‌يل هاندرياێ، يه‌يش له‌وه‌ختيگ ئه‌نجومه‌نه‌گه‌ ها وه‌ل ماف خوه‌ينيشانداين ئاشتيانه‌و داواكاريه‌يل ره‌واى خوه‌ينيشانده‌ره‌يل.

 

به‌ياننامه‌گه‌ هه‌ميش وت: ده‌زگايه‌يل ئه‌منى و هه‌واڵگريمان گشت ئه‌و كرووپه‌يل هاندرياگه‌ گرتنه‌سه‌ وه‌رچه‌وه‌و ك هه‌وڵ ئه‌وه‌ ئه‌يه‌ن نه‌ف له‌و خوه‌ينيشانداينه‌يل ئاشتيانه‌ وه‌ربگرن ئه‌را خراوكارى و په‌لامارداين ده‌زگايه‌يل ده‌وڵه‌ت و ماڵ و موڵكه‌يل تايبه‌ت و وتيش: هيزه‌يلمان رێ و شوون تونيگ ئه‌گرێده‌ وه‌ر ده‌رهه‌ق ئه‌و كه‌سه‌يل هاندرياگه‌ وه‌ گووره‌ى ياساو ده‌سدريژييش له‌بان هيزه‌يل ئه‌منى جوور ده‌سدريژيه‌ له‌بان وڵات و سه‌روه‌ريه‌گه‌ى.