هــــه‌واڵ كــوردى
يه‌كێتى نيشتمانى ئاڵاى كوردستان ته‌نيا له‌بان يه‌ك باڵه‌خانه‌ هيشت

يه‌كێتى نيشتمانى ئاڵاى كوردستان ته‌نيا له‌بان يه‌ك باڵه‌خانه‌ هيشت


شه‌فه‌ق نيوز/ يه‌كێتى نيشتمانى كوردستان ئاڵاى هه‌رێم كوردستان، له‌بان باره‌گايه‌يل حزبى خوه‌ى له‌ پاريزگاى كه‌ركوك داگرت، له‌ وه‌ختيگ ك عادل عه‌بدولمه‌هدى سه‌رۆك حكومه‌ت رينمايى داگرتنى دا له‌بان باڵه‌خانه‌يل حزبى له‌ كه‌ركوك دوياى به‌رزه‌وكردنى له‌لايه‌ن يه‌كێتى نيشتمانى كوردستان و لايه‌نگره‌يلى.

 

له‌ى باوه‌ته‌و، سه‌رچه‌وه‌يليگ ئاگادار له‌ كه‌ركوك ئه‌را شه‌فه‌ق نيوز وتن: يه‌كێتى نيشتمانى ده‌سكرده‌سه‌ داگرتن ئاڵاى هه‌رێم كوردستان له‌بان نويسينگه‌و باره‌گايه‌يل لاوه‌كيى له‌ كه‌ركوك و ته‌نيا له‌بان باڵه‌خانه‌ى مه‌كته‌ب سياسى حزبه‌گه‌ هيشته‌سه‌ێ.

 

جى باسه‌، شه‌و سێشه‌مه‌ له‌بان چوارشه‌ممه‌ى گوزه‌يشت، هيزه‌يل ئه‌منى عراقى ئاهه‌نگه‌يل يه‌كێتى نيشتمانى كوردستان له‌ پاريزگاى كه‌ركوك چويچان، ئه‌ويش دوياى به‌رزه‌وكردن ئاڵاى هه‌رێم له‌بان باڵه‌خانه‌يل باره‌گايه‌يلى له‌و پاريزگا.