هــــه‌واڵ كــوردى
رووژنامه‌يگ: ئسرائيل سه‌روه‌خوه‌يى كورد تاوتوێ ئه‌كا

رووژنامه‌يگ: ئسرائيل سه‌روه‌خوه‌يى كورد تاوتوێ ئه‌كا


شه‌فه‌ق نيوز/ رووژنامه‌يگ رووسى باس له‌وه‌ كرد ك ئسرائيل ده‌سكرده‌سه‌ تاوتوێكردن مه‌سه‌له‌ى دامه‌زرانن ده‌وڵه‌ت تازه‌يگ له‌ خوه‌رهه‌ڵات ناوين وه‌ ريككه‌فت وه‌ل هه‌ماهه‌نگى ئيرانى و توركى ئه‌را دژايه‌تى دامه‌زارنن ئى ده‌وڵه‌ته‌.

 

رووژنامه‌ى "نيزافيسيمايا غازيتا" وت: سه‌ركردايه‌تى ئسرائيلى سه‌روه‌خوه‌يى كورد تاوتوێ ئه‌كاو تيميگ له‌ناوخود حزب ليكۆد داواى پشتگيرى هه‌وڵه‌يل كورد ئه‌كه‌ن ئه‌را دامه‌زرانن ده‌وڵه‌ت.

 

رووژنامه‌گه‌ له‌ زووان سه‌رچه‌وه‌يليگيش ئه‌وه‌ ده‌رخست ك وه‌رپرسه‌يل ئسرائيلى له‌ ماوه‌ى گوزه‌يشت چه‌ويان كه‌فته‌سه‌ سه‌ركرده‌يل كورد سوريا، وه‌لێ وه‌بى باسكردن شيواز ئه‌و چه‌وپيكه‌فتنه‌يله‌.