هــــه‌واڵ عــیراق
ئيران داوا له‌ عراق ئه‌كا نرخ "ڤيزا" وه‌ پويله‌ ناوخوه‌ييه‌گه‌ى هساو بكا

ئيران داوا له‌ عراق ئه‌كا نرخ "ڤيزا" وه‌ پويله‌ ناوخوه‌ييه‌گه‌ى هساو بكا


شه‌فه‌ق نيوز/ ئبراهيم جه‌عفه‌رى وه‌زير خارجيه‌ى عراقى وه‌ل ئيره‌ج مه‌سجدى باڵيۆز ئيرانى چه‌ن دوسيه‌يگ تاوتوێكرد.

 

ئاژانس فارس ئيرانى  ك شه‌فه‌ق نيوز ئاگادارى بوێ وت: باڵيۆز ئيرانى له‌و ديداره‌ داواى بته‌وكردن هاوكارى و ريكخستن وه‌رپرسه‌يل عراقى كردگه‌ له‌ پيشكه‌شكردن ئاسانكارى زياتر ئه‌را زياره‌تچيه‌يل ئيرانى وه‌ره‌و مه‌زارگه‌يل پيرووز و له‌وانه‌يش هساوكردن نرخ ڤيزا وه‌ ريال ئيرانى.

 

جى باسه‌، باڵيۆز ئيرانى له‌لايگ تريشه‌و باس له‌ سزيان زه‌لگاوه‌يل عزێم و كيشه‌يل ژينگه‌يى وه‌تايبه‌ت له‌ پاريزگاى خوزستان و داواى هاوكارى زياتر لايه‌ن عراقى كردگه‌ وه‌ ئامانج كوشاننه‌وه‌ى ئاگره‌يل له‌ زه‌لگاوه‌يل.