وه‌زير ناوخوه‌يى ئيرانى ره‌سيه به‌غداى پايته‌خت
هــــه‌واڵ عــیراق
وه‌زير ناوخوه‌يى ئيرانى ره‌سيه به‌غداى پايته‌خت
شه‌فه‌ق نيوز/ عه‌بدولڕه‌زا ره‌حمانى فه‌زڵى وه‌زير ناوخوه‌يى ئيرانى و شانده ياوه‌ره‌گه‌ى وه سه‌ردانيگ ره‌سينه به‌غداى پايته‌خت.
نويسينگه‌ى وه‌زير ناوخوه‌يى عراقى له به‌ياننامه‌يگ ك شه‌فه‌ق نيوز ئاگادارى بوى وت: قاسم ئه‌عره‌جى وه‌زير ناوخوه‌يى له ته‌ياره‌خانه‌ى ناوده‌وڵه‌تى به‌غدا پيشوازى له فه‌زڵى و شانده ياوه‌ره‌گه‌ى كردگه.
ئاژانس "ئيرنا"ى فه‌رمى ئيرانييش وت: بڕياره هه‌ردوگ وه‌زير عراقى و ئيرانى له باره‌گاى وه‌زاره‌ت ناوخوه‌يى عراقى ياداشتيگ له‌يه‌كڕه‌سينه‌وه له‌باره‌ى زياره‌ت زياره‌تچيه‌يل ئيرانى ئه‌را مه‌زارگه‌يل پيرووز ئمزا بكه‌ن ئه‌را وه‌خت رێ وڕه‌سمه‌يل زياره‌ت چله‌ى حسه‌ينى و ئاماژه وه‌يه‌يش كرد ك ساڵانه نزيكه‌ى 4 مليۆن زياره‌تچى ئيرانى سه‌ردان مه‌زارگه‌يل پيروز ئه‌كه‌ن له عراق.
تاگ :
