هــــه‌واڵ عــیراق
ئه‌نقه‌ره‌ هه‌ڵويست خوه‌ى له‌ بڕيار دادگا له‌باره‌ى راپرسى كوردستان ديارى كرد

ئه‌نقه‌ره‌ هه‌ڵويست خوه‌ى له‌ بڕيار دادگا له‌باره‌ى راپرسى كوردستان ديارى كرد


شه‌فه‌ق نيوز/ وزاره‌ت خارجيه‌ى توركى، ئاشكراى هه‌ڵويستت خوه‌ى كرد له‌ بڕيار دادگاى ناوه‌ندى عراقى له‌باره‌ى راپرسى هه‌رێم كوردستان ك له‌ ئه‌يلوول گوزه‌يشت ئه‌نجام گرت.

 

خارجيه‌ى توركى له‌ به‌ياننامه‌يگ ئه‌را(شه‌فه‌ق نيوز)وت: دادگاى باڵاى ناوه‌ندى له‌ عراق برياريگ له‌ 6 ته‌شرين دويه‌م داگه‌ وه‌ ئه‌وه‌گ ده‌ستوور عراقى ڕى وه‌ هويچ پيكهاته‌يگ نايه‌ێد له‌ عراق جياوه‌ بدێ و له‌ رووژ 20 ته‌شرين دويه‌ميش بڕيار تر دا له‌بان ئه‌وه‌گ راپرسى هه‌رێم كوردستان ده‌ستوورى نيه‌و هه‌ر له‌وه‌ر شه‌وه‌يش گشت ئاكامه‌يلى هه‌ڵوه‌شانه‌وه‌.

 

جى باسه‌، خارجيه‌ى توركى وت: ئى بڕياره‌ جه‌خت له‌بان سروشت ناشه‌رعى راپرسى كردگه‌ ك هه‌ر له‌ سه‌ره‌تاوه‌ زوورم ئه‌ندامه‌يل كۆمه‌ڵگاى ناوده‌وڵه‌تى و له‌وانه‌يش توركيا جه‌خت له‌لى كرد و ئاماژه‌ وه‌يه‌يش كرد ك توركيا چه‌وه‌ڕى ئه‌كا له‌ قوناغ ئاينده‌ چه‌وديرێ ئى بڕياره‌ بكريه‌ێد وه‌ شيوه‌ى ته‌ماميگ و دويرگرتن له‌ هه‌ڵويست و ره‌فتاره‌يليگ ك زه‌ره‌د وه‌ يه‌كێتى سه‌روه‌رى عراق و خاكه‌يلى بڕه‌سنێد.