هــــه‌واڵ جیــهانى
شاره‌زايه‌يل ئسرائيلى: داعش هيمان وه‌ته‌واوى نه‌وايه‌و هه‌ڕه‌شه‌ له‌ جه‌هان ئه‌كا

شاره‌زايه‌يل ئسرائيلى: داعش هيمان وه‌ته‌واوى نه‌وايه‌و هه‌ڕه‌شه‌ له‌ جه‌هان ئه‌كا


شه‌فه‌ق نيوز/ رووژنامه‌يل ئسرائيلى باكردنيان له‌باره‌ى جيوازبوين هه‌زاران چه‌كدار له‌ ريكخرياگ تيرۆريستى داعش له‌ وڵاتيگ تره‌و فراوانه‌و كردنه‌و گومانيش ديرن له‌ راوناين ئه‌و ريكخرياگه‌ وه‌ ته‌واوى جوور ئه‌وه‌گ دۆناڵد تره‌مپ سه‌رۆك ئه‌مريكا ئعلانى كرد.

 

رووژنامه‌يل ئسرائيلى له‌ راپۆرتيگ باس له‌وه‌ كردنه‌ ك هيمان وجوود هه‌زاران چه‌كدار له‌ داعش و له‌ ره‌گه‌زه‌يل جياجيا نه‌ك ته‌نيا نيگه‌ران ئۆرپا، به‌ڵكوو مه‌ترسى ئه‌وه‌يش له‌لێ ئه‌كريه‌ێد يه‌هووديه‌يليش بگرنه‌ ئامانج له‌ كشوه‌ره‌يل جه‌هان و هه‌ر وه‌و خاتريشه‌ ده‌زگايه‌يل ئه‌منى ئسرائيلى باس له‌وه‌ ئه‌كه‌ن ك ريكخرياگ داعش هيمان دويره‌ له‌ واين يه‌كجارى.

 

باس له‌وه‌يش كردنه‌ ك ده‌زگايه‌يل ئه‌منى ئسرائيلى مه‌زه‌نه‌يان ئه‌وه‌سه‌ هيمان داعش نه‌وايه‌و ده‌سكرده‌سه‌ هاوردنه‌وه‌ى شيوازه‌يل كويه‌نى له‌ كاركردن جوور ريكخرياگيگ نه‌ك هه‌ر ده‌س بگرێده‌ بان روێوه‌ره‌يليگ جوگرافى، به‌ڵكوو هه‌ڕه‌شه‌يگيش ئه‌را بان گشت جه‌هان له‌ڕێ كرده‌وه‌و ئه‌نجامداين هه‌ڕه‌شه‌يل فريه‌ خه‌ته‌رناك.