هــــه‌واڵ كــوردى
كوردستان بريار دامه‌زرانن شه‌ش هه‌زار مامۆستاى گريه‌به‌س دا

كوردستان بريار دامه‌زرانن شه‌ش هه‌زار مامۆستاى گريه‌به‌س دا


شه‌فه‌ق نيوز/ وه‌رپرسيگ له‌ وه‌زاره‌ت په‌روه‌رده‌ى حكومه‌ت هه‌رێم كوردستان، وت: وه‌ل جيگيركردن بودجه‌ى ساڵ 2019، ئه‌و مامۆستاو مودڕسه‌يله‌ دامه‌زريه‌ێد ك وه‌شێوه‌ى سيستم گريه‌به‌س وه‌ختى ده‌رس ئه‌يه‌ن و سێ ساڵ له‌بان ده‌واميان چيه‌.

 

محه‌مه‌د ئبراهيم نوێنه‌ر مامستايه‌يل گريه‌به‌س، وت: دوياى به‌رزه‌وكردن ياداشتيگ وه‌ناو مامۆستايه‌يل گريه‌به‌س ك خزمه‌ت سێ ساڵ ديرن، بڕياريگ درياگه‌ ئه‌را ئه‌وه‌گ بخريه‌نه‌ بان مه‌لاك هه‌ميشه‌يى و وه‌زاره‌ت په‌روه‌رده‌يش وه‌شيوه‌يگ فه‌رمى جواو ئه‌و ياداشته‌ داسه‌و.

 

جى باسه‌، ئبراهيم هه‌ميش وت: وه‌زاره‌ته‌گه‌ داوا له‌ وه‌زاره‌ت دارايى و ئابوورى كردگه‌ هويچ مامۆستايه‌يل تازه‌يگ دانه‌مه‌زرنێد تا وه‌ختيگ گشت مامۆستايه‌يل گريه‌به‌س ئه‌خريه‌نه‌ بان مه‌لاكك هه‌ميشه‌يى، يه‌يش له‌وه‌ختيگ حكومه‌ت هه‌رێم له‌ساڵه‌يل 2013 و 2014 شه‌ش هه‌زار مامۆستا وه‌شيوه‌ێ گريه‌به‌س وه‌ختى دامه‌زران.