هــــه‌واڵ عــیراق
رافده‌ين رينمايى لقه‌يلى كرد ئه‌را داين سلفه‌ى 5 و 10 مليۆنيه‌گه‌ وه‌ مه‌رجيگ

رافده‌ين رينمايى لقه‌يلى كرد ئه‌را داين سلفه‌ى 5 و 10 مليۆنيه‌گه‌ وه‌ مه‌رجيگ


شه‌فه‌ق نيوز/ بانك رافده‌ين رينمايى دا لقه‌يل تابه‌تكرياگێ ئه‌را داين سلفه‌ى 5 و 10 مليۆن ديناره‌گه‌ وه‌ كارمه‌نده‌يل ده‌وڵه‌ت له‌ به‌غداو پاريزگايه‌يل وه‌ مه‌رجيگ معامله‌ ئه‌را وه‌رگرتنى لڕى ئه‌لكترۆنى بدێ.

 

نوێسينگه‌ى ره‌سانن بانكه‌گه‌ له‌ به‌ياننامه‌يه‌گ ئه‌را شه‌فه‌ق نيوز وت: رينمايى لقه‌يل بانكه‌گه‌ كرياگه‌ ئه‌را داين سلفه‌ وه‌ كارمه‌نده‌يل ده‌وڵه‌ت وه‌ ئه‌وانه‌گ كارت ئه‌لكترۆنى ديرن و بايه‌سه‌ له‌ڕێ ئه‌لكترۆنيه‌و داواكارى ئه‌را وه‌رگرتنى پيشكه‌ش بكه‌ن، ئه‌ويش له‌رێ ئى ناونيشانه‌يله‌:

(www.Qicard.net/moe  ) ناونيشان وه‌زارت په‌روه‌رده‌

(www.Qicard.net/pla ) ناونيشان ئه‌را خانه‌نشينه‌يل، گشت كارمه‌نده‌يل ده‌وڵه‌ت، وه‌زاره‌ت په‌روه‌رده‌/ په‌روه‌رده‌ى كه‌رخ سێيه‌م.